ຕາມ​ຂ່າວCRI ,ວັນ​ທີ 10 ພະຈິກ,ການ​ເຈລະຈາ 6 ຝ່າ​ຍຮອບ 5 ກ່ຽວ​ກັບ​ບັນຫາ​ນິວ​ເຄຼຍ​ແຫຼມ​ເກົາຫຼີ​ໄດ້​ເຂົ້າ​ສູ່​ມື້ທີ 2 ​ແລ້ວ,ຄະນະ​ຜູ່​ແທນ 6 ຝ່າຍ​ຈະ​ສືບ​ຕໍ່​ຫາລືແຜນການ​ລະອຽດ​ຂອງການ​ປະຕິບັດ​ຖະ​ແຫຼ​ງການ​ຮ່ວມ.ກອງ​ປະຊຸ​ມທີ່​ຈັດ​ຂຶ້ນ​ໃນ​ມື້​ດຽວ​ກັນ​ຍັງ​ໃຊ້ຮູບ​ການ​ກອງ​ປະຊຸມ​ຫົວ​ຫນ້າຄະນະຜູ່​ແທນ​ແລະ​ການ​ປຶກສາ​ຫາລືກັນ​ສອງ​ຕໍ່​ສອງ.

   ຕອນ​ເຊົ້າ​ມື້​ດຽວ​ກັນ,ກ່ອນທ່ານ​ຊົງ​ມິນ​ຊຸນ ຫົວຫນ້າ​ຄະນະ​ຜູ່​ແທນ​ສ.​ເກົາຫຼີ​ຂອງ​ການ​ເຈລະຈາ 6 ຝ່າຍ​ຮອບ 5 ກ່ຽວ​ກັບ​ບັນຫາ​ນິວ​ເຄຼຍ​ແຫຼມ​ເກົາຫຼີເດີນທາງ​ອອກຈາກ​ໂຮງ​ແຮມ​ໄປ​ຮອດ​ບ່ອນ​ປະຊຸມ​ຢູ່ໂຮມ​ແຮມ​ຕ້ຽວ​ຢູ​ໄຕ​ນັ້ນ,ທ່ານ​ເວົ້າ​ຕໍ່​ນັກ​ຂ່າວ​ວ່າ,ສ.​ເກົາຫຼີ​ຈະ​ວາງ​ແຜນການ​ລະອຽດ​ຂອງ​ການ​ປະຕິບັດ​ຖະ​ແຫຼ​ງ ການຮ່ວມ​ໃນ​ກອງ​ປະຊຸມ​ຫົວຫນ້າ​ຄະນະ​ຜູ່​ແທນໃນ​ວັນ​ທີ 10 ພະຈິກ.

 ນອກ​ນີ້,ຕອນຮຸ່ງ​ເຊົ້າ​ວັນ​ທີ 10 ພະຈິກ,ທ່ານ​ຄິສທອບ​ເຟີ ຮິ​ວ ຫົວຫນ້າ​ຄະນະ​ຜູ່​ແທນ​ອາ​ເມ​ລິ​ກາ​ຂອງ​ການ​ເຈລະຈາ 6 ຝ່າຍ​ຮອບ 5 ກ່ຽວ​ກັບ​ບັນຫາ​ນິວ​ເຄຼຍ​ແຫຼມ​ເກົາຫຼີ​ໄດ້​ເຜີຍ​ໃຫ້​ຮູ້​ວ່າ,​ໃນ​ກາ​ນ​ເຈລະ ຈາ​ທີ່​ຈັດ​ຂຶ້ນ​ໃນ​ວັນ​ທີ 9 ພະຈິກ, ບັນດາ​ຝ່າຍ​ຕົ້ນຕໍ​​ໄດ້ຫາລື​ບັນຫາ​ການ​ເຮັດ​ແນວ​ໃດ​ໃຫ້ຫຼັກ​ຫມັ້ນ​ຂອງ​ເອ​ກະສາ​ນຮ່ວມ ຂອງການ​ເຈລະຈາ 6 ຝ່າຍ​ຮອບ 4 ຫັນ​ເປັນ​ການ​ເຄື່ອນ​ໄຫວ​ຕົວ​ຈິງ.ບັນດາ​ຝ່າຍ​ໃນ​ການ​ເຈລະຈາ​ໄດ້​ກ້າວ​ເຖິງ​ຂັ້ນ​​ເປັນ​ເອກະສັນ​ກັນກ່ຽວ​ກັບ​ການ​ເຮັດ​ແນວ​ໃດ ຊຸກຍູ້ໃຫ້​ການ​ເຈລະຈາ​ກ້າວ​ໄປ​ຫນ້າ

   ກ່ອນ​ນີ້,ຕອນ​ຄ່ຳ​ວັນ​ທີ 9 ພະຈິກ,ທ່ານ​ເຄນີ​ເຊ​ໂຣ ຊາ​ຊາ​ເອ ຫົວຫນ້າ​ຄະນະ​ຜູ່​ແທນ​ຍີ່​ປຸ່ນ​ໄດ້​ກ່າວ​ວ່າ,​ໃນ​ການ​ເຈລະຈາ​ທີ່​ຈັດ​ຂຶ້ນ​ໃນ​ມື້​ທຳ​ອິດ,ຄວາມ​ເຫັນ​ຂອງ​ບັນດາ​ປະ​ເທດ​ແມ່ນ​ສົມ​ເຫດ​ສົມ​ຜົນ​ໂດຍ​ທຽບ​ຖານ.