ຕາມ​ຂ່າວສານ​ຊິນ​ຮວາ:ວັນ​ທີ16ພະ​ຈິກ,​ໃນງານ​ຊຸມນຸມ​ນັກ​ຂ່າວ​ປະຈຳ,ທ່ານຫຼີ​ເວີຍ​ອີ່ ​ໂຄສົກ​ຫ້ອງການ​ວຽກ​ງານ​ໄຕ້​ຫວັນ​ຂອງ​ຄະນະ​ລັດຖະ​ບານ​ຈີນ​ກ່າວວ່າ,ສອງ​ຝັ່ງ​ຊ່ອງ​​ແຄບພວມ​ດຳ​ເນີນ​ວຽກ​ງານ​ແລກ​ປ່ຽນ​ຂໍ້​ມູນ​ຂ່າວສານ​ກ່ຽວ​ກັບ​ໄຂ້ຫວັດ​ສັດ​ປີກ,ວຽກ​ງານ​ດັ່ງກ່າວ​ຈະ​ດຳ​ເນີນ​ໄປ​ຢ່າງ​ຕໍ່​ເນື່ອງ.

ທ່ານຫຼີ​ເວີຍ​ອີ​ແມ່ນ​ໃຫ້​ທັດສະ​ນະ​ດັ່ງກ່າວໃນ​ເວລາ​ຕອບ​ຄຳ​ຖາມ​ທີ່​ກ່ຽວ​ຂ້ອງ.ທ່ານ​​ເວົ້າ​ວ່າ,​ນັບ​ແຕ່​ປີ​ນີ້​ເປັນຕົ້ນ​ມາ,ສະມາຄົມ​ແລກ​ປ່ຽນ​ກະສິກຳ​ສອງ​ຝັ່ງ​ຊ່ອງ​ແຄບ​ຂອງ​ແຜ່ນດິນ​ໃຫຍ່​ຈີນ​ໄດ້​​ແຈ້ງ​ສະພາບ​ກ່ຽວ​ກັບໄຂ້​ຫວັດ​ສັດ​ປີກ​ໃຫ້​ຄະນະ​ວິຊາ​ສະ​ເພາະກ່ຽວ​ຂ້ອງ​ພາຍ​ໃນ​ເກາະ​ໄຕ້ຫວັນ​ຊາບຕັ້ງ​ຫວັນ​15​ເທື່ອ​ຕາມລຳ​ດັບ​ແລ້ວ.ພ້ອມ​ກັນ​ນັ້ນ,ຝ່າຍ​ທີ່​ກ່ຽວ​ຂ້ອງ​ຂອງ​ແຜ່ນ​ດິນ​ໃຫຍ່​ຈີນ​ຍັງ​​ໄດ້ປະ​ສານ​ງານ​ກັບ​​ກ​ອງ​ເລ​ຂາ​ທິ​ການຂອງ​ອົງການ​ອະນາ​ໄມ​ໂລກ,​ເຊີນ​ຜູ່​ຊ່ຽວຊານ​ໄຕ້​ຫວັນ​ສອງ​ທ່ານ​ເຂົ້າ​ຮ່ວມກ​ອງປະຊຸມ​ສາ​ກົນ​ກ່ຽວ​ກັບ​ໄຂ້​ຫວັດ​ສັດ​ປີກ​ທີ່​ຈັດ​ຂຶ້ນ​ຢູ່​​​​ເຊີ​ແນວ​ໃນ​ວັນ​ທີ7​ຕຸລາ​ປີ​ນີ້.