ຕາມ​ຂ່າວສານ​ຊິນ​ຮວາ: ​ໃນ​ແຂວງ​ຫູ​ນານ​ແລະ​ແຂວງ​ອ່ານ​ຮຸຍ​ຂອງ​ຈີນ​ທີ່​ມີ​ຄົນ​​ຕິດ​​ແປດ​ໄຂ້​ຫວັດ​ສັດ​ປີກ​ນັ້ນ, ​ນັບ​ມາ​ຮອດ​ດຽດນີ້, ຜູ່​ໃກ້ຊິດ​ກັບ​ຄົນ​ເຈັບບໍ່​ມີ​ໃຜ​ຕິດ​​ແປດ​ພະຍາດ​.

​ໃນ​ເມືອງ​ຊຽງ​ຖານແຂວງ​ຫູ​ນານ, ນັບ​ມາ​ຮອດຕອນ​ບ່າຍ​ວັນ​ທີ 17 ພະຈິກ, ຜູ່​ໃກ້​ຊິດກັບ​ຄົນ​ເຈັບທີ່​ເປັນ​ໄຂ້ຫວັດ​ສັດ​ປີກລວມ152​ຄົນ​ບໍ່​ມີ​ໃຜ​ເປັນ​ຫຍັງ, ພາກສ່ວນ​ທີ່​ກ່ຽວ​ຂ້ອງ​ພວມ​ໃຊ້​ມາດ​ຕະການ​​ຕິດ​ຕາມ​ຄວບ​ຄຸມຕໍ່​ໄປ. ​ໃນ​ເມືອງ​ຊົງ​ຢາງ​ແຂວງ​ອ່ານ​ຮຸຍ, 22ຄົນ​ທີ່​ເຄີຍ​ເຂົ້າໃກ້​ຊິດ​ກັບ​ຄົນ​ເຈັບ​ຢ່າງສະໜິດ​ໄດ້​ຮັບການ​ສັງ​ເກດທາງ​ແພດສາດ, ​ໃນ​ໄລຍະ​ສັງ​ເກດ, ຄົນ​ເຫຼົ່າ​ນີ້​ບໍ່ມີ​ອາການ​ຜິດ​ປົກກະຕິ​​ໃດ​ໆ, ​ ​ຕອນ​ບ່າຍ​ວັນ​ທີ 17 ພະຈິກ. ໄດ້​ຍົກ​ເລີກ​ການສັງ​ເກດຕໍ່​ພວກ​ເຂົາ​ເຈົ້າ​ທາງ​ແພດສາດທັງ​ໝົດ​ແລ້ວ