|
ບາງທ້ອງຖິ່ນຂອງຈີນເລີ່ມກວດກາອຸມຫະພູມຮ່າງກາຍຕໍ່ຜູ້ເຂົ້າອອກເມືອງເພື່ອປ້ອງກັນໄຂ້ຫວັດສັດປີກ
cri
Author: mo
ຕາມຂ່າວສານຊີນຮວາ: ວັນທີ 18 ພະຈິກ, ເຂດບໍລິຫານພິເສດມາກາວ ພາກໃຕ້ຂອງຈີນເລີ່ມກວດກາອຸມຫະພູມຮ່າງກາຍຕໍ່ຜູ້ທີ່ເຂົ້າອອກເມືອງ, ເພື່ອປ້ອງກັນໄຂ້ຫວັດສັດປີກ.
ວັນທີ 17 ພະຈິກ, ດ່ານເຊີນເຈີ້ນ ທີ່ແປະກັບເຂດບໍລິຫານພິເສດຮົງກົງ ພາກໃຕ້ຂອງຈີນກໍມີຈຸດປະສົງອັນດຽວກັນ, ເລີ່ມກວດກາອຸມຫະພູມຮ່າງກາຍຕໍ່ຜູ້ເຂົ້າອອກເມືອງ. ແຂວງຈ່ຽງຊີ ພາກກາງຂອງຈີນໄດ້ກວດກາອຸມຫະພູມຮ່າງກາຍຕໍ່ຜູ້ເຂົ້າອອກເມືອງໃນຫລາຍມື້ກ່ອນແລ້ວ, ປັກກິ່ງກໍໄດ້ຮຽກຮ້ອງໃຫ້ຜູ້ທີ່ມາຈາກປະເທດທີ່ມີໄຂ້ຫວັດສັດປີກລະບາດນັ້ນກວດກາອຸມຫະພູມຮ່າງກາຍມາແຕ່ດົນແລ້ວ.
ວັນທີ 18 ພະຈິກ, ພາກສ່ວນສາທາລະນະສຸກຂອງນະຄອນປັກກິ່ງຍັງໄດ້ປະກາດມາດຕະການຫລາຍລາຍ, ເພີ່ມທະວີການຕິດຕາມກວດກາສະພາບຄົນຕິດໄຂ້ຫວັດສັດປີກ, ແລະກຳນົດໂຮງໝໍສອງແຫ່ງເປັນໂຮງໝໍຮັບມືດ່ວນຕໍ່ໄຂ້ຫວັດສັດປີກ.
ຕາມຂ່າວແຈ້ງວ່າ, ຢູ່ແຂວງຫູນານແລະແຂວງອ່ານຮຸ່ຍຂອງຈີນທີ່ເກີດມີຄົນຕິດໄຂ້ຫວັດສັດປີກ, ປັດຈຸບັນ, ຜູ້ສຳຜັດກັບຜູ້ປ່ວຍຢ່າງໃກ້ຊິດນັ້ນລ້ວນແຕ່ສະບາຍດີຢູ່ໂດຍພື້ນຖານ.
|
|
