|
ຈີນລວມມີ 9 ເຂດແຂວງເກີດໄຂ້ຫວັດສັດປີກ
cri
Author: MO
ຕາມຂ່າວCRI：ປັດຈຸບັນ, ນັບລວມແລ້ວ, ຈີນມີ 9 ເຂດແຂວງເກີດ ໄຂ້ຫວັດສັດປີກ.
ຕົວເລກດັ່ງກ່າວແມ່ນທ່ານອິງເສີງເຈ ຮອງລັດຖະມົນຕີກະຊວງກະສິກຳຈີນປະກາດຢູ່ປັກກິ່ງໃນວັນທີ 21 ພະຈິກ. ທ່ານເວົ້າວ່າ, ປັດຈຸບັນ, ໄຂ້ຫວັດສັດປີກຢູ່ຈີນໄດ້ເຮັດໃຫ້ສັດປີກຕາຍ 1 ແສນ 4 ໝື່ນໂຕແລ້ວ, 20 ກວ່າລ້ານໂຕຖືກຂ້າ.
ວັນທີ 20 ພະຈິກ, ໃນເວລາທ່ານກ່າວສຽງ ລັດຖະມົນຕີກະຊວງສາທາລະນະສຸກຈີນໄດ້ໃຫ້ສຳພາດຕໍ່ນັກຂ່າວຂ່າວສານຊິນຮວາ, ທ່ານກໍໄດ້ກ່າວເຖິງສະພາບໄຂ້ຫວັດສັດປີກຢູ່ຈີນ. ທ່ານກ່າວວ່າ, ໃນສະເພາະໜ້ານີ້, ໄຂ້ຫວັດສັດປີກຢູ່ຈີນຍັງຄວບຄຸມໄດ້ຢູ່, ຢູ່ເມືອງເຮີຍຊານແຂວງຫຼຽວໜິງທີ່ມີສະພາບໜັກໜ່ວງກວ່າໝູ່ນັ້ນ, ບໍ່ໄດ້ປະກົດມີສັດປີກທີ່ເປັນພະຍາດໃຫມ່ຕັ້ງ10ມື້ແລ້ວ. ປະຈຸບັນ, ເຖິງວ່າທ້ອງຖິ່ນອື່ນໆຂອງຈີນຍັງມີພະຍາດນີ້ເກີດຂຶ້ນ, ແຕ່ສຳຄັນແມ່ນຍ້ອນນົກຍ້າຍແກ່ວນຳມາ. ຄຽງຄູ່ກັບຍາມນົກຍ້າຍແກ່ວສິ້ນສຸດລົງ, ສະພາບໄຂ້ຫວັດສັດປີກຢູ່ເຂດພາກເໜືອຂອງຈີນອາດຈະຄ່ອຍໆຜ່ອນລົງ. ທ່ານເວົ້າວ່າ, ວຽກງານຕິດຕາມຄວບຄຸມໄຂ້ຫວັດສັດປີກຂອງຈີນພວມດຳເນີນແບບວິທະຍາສາດແລະມີລະບຽບ.
|
|
