|
ອາເມລິກາປະກາດສິ້ນສຸດຄະດີຈຳກັດແຜ່ນແພຈີນທີ່ພວມສຳຫຼວດ, ພ້ອມທັງປ່ອຍສິນຄ້າຄ້າງດ່ານ
cri
Author: mo
ຕາມຂ່າວສານຊີນຮວາ: ວັນທີ 25 ພະຈິກ, ກະຊວງການຄ້າຈີນປະກາດວ່າ, ວັນທີ 23 ພະຈິກ ເວລາພາກຕາເວັນອອກຂອງອາເມລິກາ, ຄະນະກຳມະການປະຕິບັດສັນຍາແຜ່ນແພອາເມລິກາປະກາດວ່າ, ອິງຕາມຈິດໃຈທີ່ກ່ຽວຂ້ອງຂອງບົດບັນທຶກຄວາມເຂົ້າໃຈກ່ຽວກັບແຜ່ນແພຈີນອາເມລິກາລົງນາມໃນວັນທີ 8 ພະຈິກ, ອາເມລິກາໄດ້ສິ້ນສຸດຄະດີຈຳກັດແຜ່ນແພຂອງຈີນທີ່ພວມສຳຫຼວດໃນປະຈຸບັນ, ທັງໝົດລວມ 24 ຄະດີ.
ໃນຂະນະດຽວກັນ, ຄະນະກຳມະການປະຕິບັດສັນຍາແຜ່ນແພອາເມລິກາໄດ້ອອກຄຳສັ່ງຕໍ່ດ່ານພາສີອາເມລິກາ, ຮຽກຮ້ອງໃຫ້ດ່ານພາສີປ່ອຍສິນຄ້າຄ້າງດ່ານ(ບໍ່ລວມທັງຖົງຕີນ)ທີ່ຂົນສົ່ງມາຮອດອາເມລິກາກ່ອນວັນທີ 8 ພະຈິກນັ້ນແຕ່ວັນທີ 28 ພະຈິກຮອດວັນທີ 2 ທັນວາ; ຕໍ່ສິນຄ້າຄ້າງດ່ານອື່ນໆ, ຈະອິງຕາມຂໍ້ກຳນົດທີ່ກ່ຽວຂ້ອງຂອງດ່ານພາສີອາເມລິກາ, ຈະປ່ອຍໃຫ້ຜ່ານເທື່ອລະງວດເມື່ອຮອດກຳນົດແລ້ວ.
|
|
