ການພົວພັນເສດຖະກິດການຄ້າລະຫວ່າງຊຽງໄຮ້ກັບຮົງກົງນັບມື້ນັບແຫນ້ນແຟ້ນ
cri
ຕາມຂ່າວສານຊິນຮວາ,ວັນທີ 3 ທັນວາ,ຢູ່ທີ່ຊຽງໄຮ້,ທ່ານຖາງອິງນຽນ ຫົວຫນ້າພະແນກການເງິນຂອງອົງການປົກຄອງເຂດພິເສດຮົງກົງໄດ້ກ່າວວ່າ,ຄຽງຄູ່ກັບການຮ່ວມມືກັນລະຫວ່າງຊຽງໄຮ້ກັບຮົງກົງໄດ້ຂະຫຍາຍຕົວຕື່ມອີກ,ການພົວພັນເສດຖະກິດການຄ້າລະຫວ່າງສອງແຫ່ງໄດ້ນັບມື້ນັບແຫນ້ນແຟ້ນ.
ທ່ານຖາງອິງນນຽນແມ່ນກ່າວຄວາມນີ້ໃນເວລາເຂົ້າຮ່ວມງານສຳມະນາຄົ້ນ ຄວ້າ,ທ່ານກ່າວວ່າ,ການຮ່ວມມືກັນລະຫວ່າງຊຽງໄຮ້ກັບຮົງກົງໄດ້ມີພື້ນຖານອັນຫມັ້ນຄົງ,ມີກຳລັງບົ່ມຊ້ອນອຸດົມ ສົມບູນ,ການໄປມາຫາສູ່ກັນລະຫວ່າງປະຊາຊົນກໍນັບມື້ນັບເນື່ອງນິດ,ທ່ານກ່າວວ່າ,ສອງຝ່າຍຊຽງໄຮ້ຮົງກົງຕ່າງໄດ້ສຸມກຳລັງເຂົ້າໃນການຊຸກຍູ້ແລະສ້າງຕັ້ງກົນໄກໃຫມ່ທີ່ຮ່ວມມືກັນ,ສອງຝ່າຍຈະຖືຂະແຫນງການບໍລິການທັນສະໄຫມເປັນຈຸດຫນັກ,ເພີ່ມທະວີການແລກປ່ຽນແລະຮ່ວມມືກັນລະຫວ່າງອົງການປົກຄອງ ວິສາຫະກິດແລະຊັ້ນຊົນຕ່າງໆໃນສັງຄົມ.
ນັບມາຮອດທ້າຍປີກາຍ,ນັກທຸລະກິດຮົງກົງໄດ້ສຳເລັດການລົງທຶນໂດຍກົງຢູ່ຊຽງໄຮ້ລວມທັງຫມົດ 15 ຕື້ 200 ລ້ານໂດລາສະຫະລັດ,ແມ່ນແຫຼ່ງທຶນພາຍນອກທີ່ສຳຄັນກວ່າຫມູ່ຂອງຢູ່ນະຄອນຊຽງໄຮ້,ພ້ອມກັນນັ້ນ,ຮົງກົງໄດ້ກາຍເປັນເຂດສົ່ງອອກໃຫຍ່ທີສາມຂອງນະຄອນຊຽງໄຮ້.
|
|