|
|
 |
| (GMT+08:00)
2005-12-05 17:37:34
|
 |
|
ລາຄາຊື້ຂາຍຢູ່ຕະຫຼາດຫຸ້ນສ່ວນໄຕ້ຫວັນຂອງມື້ທຳອິດຫຼັງການເລືອກຕັ້ງໄດ້ສູງຂຶ້ນຢ່າງຫຼວງຫຼາຍ
cri
Author: da
ຕາມຂ່າວສານຊິນຮວາ: ວັນທີ 5 ທັນວາແມ່ນມື້ຊື້ຂາຍມື້ທຳອິດຫຼັງຈາກປະກາດຜົນການເລືອກຕັ້ງເຈົ້າຄອງນະຄອນແລະເຈົ້າເມືອງເຂດໄຕ້ຫວັນ,ລາຄາຊື້ຂາຍຂອງຕະຫຼາດຫຸ້ນສ່ວນໄຕ້ຫວັນໄດ້ສູງຂຶ້ນຢ່າງຫຼວງຫຼາຍ ຍ້ອນຖືກຜົນສະທ້ອນທີ່ພັກກົກມິນຕັງໄດ້ຮັບໄຊຊະນະໃນການເລືອກຕັ້ງ;ໃນຂະນະດຽວກັນ,ການຢັ່ງປະຊາມະຕິຂອງໜັງສືພິມໄຕ້ຫວັນສະແດງໃຫ້ເຫັນວ່າ,ຜູ້ບໍ່ພໍໃຈຕໍ່ທ່ານເສີນສຸຍປຽນໄດ້ຫຼາຍກວ່າ 60%.
ໃນມື້ຊື້ຂາຍມື້ທຳອິດຫຼັງການເລືອກຕັ້ງ,ຕະຫຼາດຫຸ້ນສ່ວນໄຕ້ຫວັນໄດ້ສູງຂຶ້ນ 119 ຈຸດ,ຍອດມູນຄ່າຊື້ຂາຍເພີ່ມຂຶ້ນຫຼາຍ.
ການຢັ່ງປະຊາມະຕິຫຼ້າສຸດຂອງໜັງສືພິມລຽນເຫີປ້າວຂອງໄຕ້ຫວັນສະແດງໃຫ້ເຫັນວ່າ,ພັກມິນຈິງເສຍໄຊຊະນະໃນການເລືອກຕັ້ງເຈົ້າຄອງນະຄອນເຈົ້າເມືອງໄດ້ເຮັດໃຫ້ອິດທິພົນຂອງທ່ານເສີນສຸຍປຽນຕົກຕ່ຳຫຼາຍ,ຜູ້ບໍ່ພໍໃຈຕໍ່ທ່ານເສີນສຸຍປຽນສູງເຖິງ 62%. ສ່ວນພັກກົກມິນຕັງເອົາຊະນະໃນການເລືອກຕັ້ງນັ້ນ,ແມ່ນຍ້ອນປະຊາຊົນ 61% ເຫັນວ່າ,ຜູ້ເລືອກຕັ້ງເສຍຄວາມຫວັງຕໍ່ພັກມິນຈິງ ແລ້ວປ່ອນບັດບໍ່ໄວ້ວາງໃຈ.
|
|
|
