|
ຕາມຂ່າວສານຊິນຮວາ:ວັນທີ6 ທັນວາ,ກອງປະຊຸມສຳມະນາສາກົນກ່ຽວກັບການຮ່ວມມືເສດຖະກິດເຂດຂົວແຜ່ນດິນໃຫຍ່ທະວີບອາຊີເອີລົບໃຫມ່ປີ2005ຈັດຂຶ້ນຢູ່ເມືອງຊີໂຈ່ວ ແຂວງຈຽງຊູຂອງຈີນ.ທ່ານໂປຊີ່ເລ ລັດຖະມົນຕີກະຊວງການຄ້າຈີນສົ່ງຈົດຫມາຍຊົມເຊີຍໂດຍກ່າວວ່າ,ລັດຖະບານຈີນສຸດທີ່ເອົາໃຈໃສ່ນຳບົດບາດຂອງຂົວແຜ່ນດິນໃຫຍ່ທະວີບອາຊີເອີລົບໃຫມ່,ຍິນດີເພີ່ມທະວີການຮ່ວມມືແລະການແລກປ່ຽນກັບປະເທດແລະພາກພື້ນຢູ່ເຂດຂົວແຜ່ນດິນໃຫຍ່.
ໃນຈົດຫມາຍຊົມເຊີຍທ່ານກ່າວວ່າ,ຂົວແຜ່ນດິນໃຫຍ່ທະວີບອາຊີເອີລົບໃຫມ່ທິດຕາເວັນອອກໄປຮອດປະເທດແລະພາກພື້ນຄືແຄມທະເລຕາເວັນອອກສຽງໃຕ້ຂອງຈີນແລະຍີ່ປຸ່ນ,ສເກົາຫລີເປັນຕົ້ນ,ທິດຕະເວັນຕົກຕິດຕໍ່ວົງເສດຖະກິດເອີລົບ,ບໍ່ພຽງແຕ່ແມ່ນເສັ້ນທາງຕິດຕໍ່ທີ່ສະດວກຂອງໂລກຢູ່ລະຫວ່າງທະວີບອາຊີເອີລົບໃນປະຈຸບັນເທົ່ານັ້ນ,ຍັງແມ່ນສາຍພານສຳຄັນແຫ່ງມິດຕະພາບຂອງປະຊາຊົນລະຫວ່າງສອງທະວີບ.ຈີນໄດ້ທົດລອງຢ່າງຕັ້ງຫນ້າບາງອັນໃນດ້ານຊຸກຍູ້ບັນດາປະເທດບັນດາພາກພື້ນຕາມຂົວສ້າງກົນໄກປະສານກັນອັນດີງາມເປັນຕົ້ນ.
|
