ຕາມ​ຂ່າວcri:ວັນ​ທີ7 ທັນວາ,ທ່ານ​ຈຶ່ງ​ຊິ້ງຮົງ ກຳມະການ​ປະຈຳ​ກົມ​ການ​ເມືອງ​ສູນ​ກາງ​ພັກ​ກອມ​ມູນິດ​ຈີນ,ຮອງ​ປະທານ​ປະ​ເທດ​ຈີນກ່າວ​ຢູ່​ປັກ​ກິ່ງ​ວ່າ,​ໃນ​ບໍ​ເທົ່າ​ໃດ​ປີ​ມາ​ນີ້,ການ​ພົວພັນ​ລະຫວ່າງ​ຈີນ​ຍີ່ປຸ່ນ​​ໄດ້ເກີດ​ຄວາມ​ຫຍຸ້ງ​ຍາກອັນ​ຫນັກຫນ່ວງ,ຫນ້າ​ທີ່​ຮັບຜິດຊອບ​​ແມ່ນບໍ່​ຢູ່​ທາງ​ຝ່າຍ​ຈີນ.

ໃນ​ເວລາ​ພົບ​ປະ​ຄະນະ​ຜູ້​ແທນ​ພັກ​ປະຊາທິປະ​ໄຕ​ສັງຄົມ​ຍີ່ປຸ່ນ​ທີ່​ນຳ​ໂດຍ​ທ່ານ​ນາງ​ຟູ​ຄູ​ຊີ​ມາ ມີ​ຈູ​ໂຮ ປະທານ​ພັກ​ດັ່ງກ່າວ​ແລະ​ທ່ານ​ມູຣາຢາ​ມາ ​ໂທ​ມີ​ຈີ ອະດີດ​ນາຍົກລັດຖະມົນຕີ​ເປັນ​ທີ່​ເປິກສານັ້ນ,ທ່ານ​ຈຶ່ງ​ຊິ້ງຮົງ​ກ່າວ​ວ່າ,ຜູ້ນຳ​ຍີ່ປຸ່ນ​ໄປ​ນະມັດສະການ​ວັດ​ຢາ​ຊຸ​ຄູ​ນີ,​ໄດ້​ບາດ​ໃຈຂອງ​ປະຊາຊົນ​ຈີນຢ່າງ​ຮ້າຍ​ແຮງ,ທຳລາຍ​ພື້ນຖານ​ການ​ເມືອງ​ຂອງ​ການ​ພົວພັນລະຫວ່າງ​ສອງ​ປະ​ເທດ.

ທ່ານນາງ​ຟູ​ຄູ​ຊີ​ມາ ມີ​ຈູ​​ໂຮກ່າວ​ວ່າ,ພັກ​ປະຊາທິປະ​ໄຕ​ສັງຄົມ​ຍີ່ປຸ່ນ​ເດັດ​ດຽວ​ທວງ​​ໃຫ້​ຢຸດ​ນະມັດສະການ​.ພັກ​ປະຊາທິປະ​​ໄຕສັງຄົມ​ເຫັນ​ວ່າ,ຍີ່ປຸ່ນຄວນ​ກ້າ​ປະ​ເຊີນກັບຄວາມ​ຮັບຜິດຊອບ​ທາງປະຫວັດສາດ,ຍຶດຫມັ້ນ​​ເສັ້ນທາງພັດທະນາ​ໂດຍ​ສັນຕິ.