ຝ່າຍຈີນເຫັນດີຈະຕັ້ງໜ້າພິຈາລະນາໃຊ້ມາດຕະການສ້າງຄັນຄູຢູ່ແມ່ນ້ຳຊົ່ງຮ່ວາ ຫຼຸດຜົນສະທ້ອນທີ່ການເຊື່ອມພິດອາດຈະເກີດຂຶ້ນຕໍ່ຝ່າຍຣັດເຊຍ
cri
Author: da
ຕາມຂ່າວCRI: ໂຄສົກກະຊວງການຕ່າງປະເທດຈີນເວົ້າວ່າ,ຝ່າຍຈີນເຫັນດີຈະຕັ້ງໜ້າພິຈາລະນາໃຊ້ມາດຕະການສ້າງຄັນຄູຢູ່ແມ່ນ້ຳຊົ່ງຮ່ວາ,ຫຼຸດຜົນສະທ້ອນທີ່ການເຊື່ອມພິດອາດຈະເກີດຂຶ້ນຕໍ່ຝ່າຍຣັດເຊຍ.
ໃນງານຊຸມນຸມນັກຂ່າວທີ່ຈັດຂຶ້ນຢູ່ປັກກິ່ງໃນວັນທີ 8 ທັນວາ,ທ່ານຊິນກ່າງ ໂຄສົກກະຊວງການຕ່າງປະເທດຈີນເວົ້າວ່າ,ນັບມາຮອດປະຈຸບັນ,ຈີນກັບຣັດເຊຍໄດ້ມີນ້ຳໃຈໝູ່ຄູ່ປະສານງານທາງຍຸດທະສາດໃນເວລາແລກປ່ຽນແລະຮ່ວມມືແກ້ໄຂບັນຫານ້ຳຖືກເຊື່ອມພິດ,ພາຍຫຼັງເກີດເລື່ອງແມ່ນ້ຳຊົ່ງຮ່ວາຖືກເຊື່ອມພິດແລ້ວ,ຈີນຣັດເຊຍໄດ້ແລກປ່ຽນແລະຮ່ວມມືກັນຢ່າງທັນການ,ຝ່າຍຈີນຍັງໄດ້ສະໜອງການຊ່ອຍເຫຼືອໃຫ້ຝ່າຍຣັດເຊຍຢ່າງທັນການ. ປະຈຸບັນ ນ້ຳທີ່ຖືກເຊື່ອມພິດຢູ່ແມ່ນ້ຳຊົ່ງຮ່ວາຍັງຢູ່ໃນເຂດແດນຈີນ,ຈີນພວມໃຊ້ມາດຕະການອັນຈຳເປັນທຸກຢ່າງ,ຫຼຸດຜົນສະທ້ອນຂອງເຫດການເຊື່ອມພິດທີ່ອາດຈະເກີດຂຶ້ນຕໍ່ຝ່າຍຣັດເຊຍໃຫ້ໜ້ອຍລົງຮອດລະດັບຕ່ຳທີ່ສຸດ.
|
|