|
|
(GMT+08:00)
2005-12-11 18:13:55
|
|
ໂຄສົກກະຊວງການຕ່າງປະເທດຈີນກ່າວຕີໂຕ້ການຕິຕຽນຂອງກະຊວງການຕ່າງປະເທດອາເມລິກາທີ່ມີຕໍ່ສະພາບສິດທິມະນຸດຂອງຈີນ
cri
Author: MO
ຕາມຂ່າວCRI:ວັນທີ 11 ທັນວາ, ທ່ານສິນກ່າງ ໂຄສົກກະຊວງການຕ່າງປະເທດຈີນໄດ້ກ່າວຕີໂຕ້ການຕິຕຽນຂອງກະຊວງການຕ່າງປະເທດອາເມລິກາທີ່ມີຕໍ່ສະພາບສິດທິມະນຸດຂອງຈີນນັ້ນຢ່າງເຄັ່ງຂືມ. ທ່ານເວົ້າວ່າ, ລັດຖະບານແລະປະຊາຊົນຈີນສະແດງຄວາມບໍ່ພໍໃຈຢ່າງຮຸນແຮງແລະຄັດຄ້ານຢ່າງເດັດດ່ຽວຕໍ່ລັດຖະບານອາເມລິກາໃຊ້ບັນຫາອັນທີ່ວ່າສິດທິມະນຸດມາໂຈມຕີຈີນຕາມລຳພັງໃຈ.
ຫວ່າງມໍ່ໆນີ້, ໂຄສົກກະຊວງການຕ່າງປະເທດອາເມລິກາໄດ້ອອກຖະແຫລງການກ່ຽວກັບ"ວັນສິດມະນຸດສາກົນ"ຄືວັນທີ 10 ທັນວາ, ໄດ້ຕິຕຽນສະພາບສິດທິມະນຸດຂອງຈີນ. ໃນເວລາຕອບຄຳຖາມຂອງນັກຂ່າວ, ທ່ານສິນກ່າງເວົ້າວ່າ, ຈີນໄດ້ຮັບຜົນສຳເລັດທີ່ປະຈັກຕາຊາວໂລກໃນຂົງເຂດປົກປ້ອງສິດທິມະນຸດ, ມວນຊົນມີສິດທິມະນຸດແລະເສລີພາບຢ່າງເຕັມສ່ວນຕາມກົດໝາຍ. ທ່ານເວົ້າວ່າ, ລັດຖະບານອາເມລິກາຍັງຄົງຕັ້ງແກ້ງແຕ່ງຕົວເປັນຜູ້ປົກປ້ອງສິດທິມະນຸດໃຕ້ການຕິຕຽນຢ່າງເຂັ້ມງວດຂອງຫາງສຽງສາກົນ, ແລະຕິຕຽນປະເທດອື່ນຢ່າງໄຮ້ສາລະນັ້ນແມ່ນຢາກຍົກຍ້າຍສາຍຕາຂອງຜູ້ອື່ນ. ໂຄສົກຜູ້ນີ້ໄດ້ຊັກຊວນຝ່າຍອາເມລິກາສຳຫລວດບັນຫາສິດມະນຸດຂອງຕົນເອງ, ປະລະສອງມາດຖານໃນບັນຫາສິດທິມະນຸດ, ດັດແກ້ການກະທຳອັນຜິດພາດທີ່ໃຊ້ບັນຫາສິດທິມະນຸດມາແຊກແຊງວຽກງານພາຍໃນຂອງປະເທດອື່ນ.
|
|
|