|
ຕາມຂ່າວສານຊິນຮວາ:ວັນທີ16ທັນວາ,ທ່ານຮຸຍລຽງຢູ້ ຮອງນາຍົກລັດຖະມົນຕີຈີນໄດ້ຮຽກຮ້ອງອີກເທື່ອໜຶ່ງໃຫ້ແຫ່ງຕ່າງໆຂອງຈີນເພີ່ມທະວີວຽກງານປ້ອງກັນຄວບຄຸມໄຂ້ຫວັດສັດປີກ,ແລະຖືສຸຂະພາບແລະຄວາມປອດໄພດ້ານຊີວິດຂອງມວນຊົນໄວ້ຢູ່ໃນຖານະສຳຄັນກວ່າໝູ່ຂອງວຽກງານປ້ອງກັນຄວບຄຸມພະຍາດ.
ຕອນຄ່ຳວັນທີ15ທັນວາ,ກະຊວງສາທາສະນະສຸກຈີນໄດ້ລາຍງານວ່າມີຜູ້ເປັນພະຍາດໄຂ້ຫວັດສັດປີກອີກຜູ້ໜຶ່ງ.ນັບມາຮອດປະຈຸບັນ,ຢູ່ເຂດໃນຂອງຈີນໄດ້ມີ ຄົນຕິດໄຂ້ຫວັດສັດປີກ6ຄົນແລ້ວ.
ໃນກອງປະຊຸມປ້ອງກັນຄວບຄຸມໄຂ້ຫວັດສັດປີກປະເພດຮ້າຍແຮງທີ່ຈັດຂຶ້ນຢູ່ປັກກິ່ງ,ທ່ານຮຸຍລຽງຢູ້ໄດ້ຮຽກຮ້ອງເປັນພິເສດໃຫ້ແຫ່ງຕ່າງໆຂອງຈີນປະຕິບັດລະບອບຕິຕາມກວດກາ,ບົ່ງມະຕິແລະແຈ້ງສະພາບໄຂ້ຫວັດສັດປີກຢ່າງເຄັ່ງຄັດ,ປະກົດເຫັນແລະຊຳລະສະພາບໄຂ້ຫວັດສັດປີກຢ່າງທັນການ,ສຶບຕໍ່ເພີ່ມທະວີການຕິດຕາມກວດກາທາງແພດສາດແລະການສຳຫຼວດວິທະຍາພະຍາດລະບາດ,ປ້ອງກັນບໍ່ໃຫ້ຄົນຕິດໄຂ້ຫວັດສັດປີກຢ່າງເອົາຈິງເອົາຈັງ,ເລັ່ງລັດດັດແປງແລະຄົ້ນຄວ້າພັດທະນາວັກແຊງ,ພ້ອມທັງເຜີຍແຜ່ຄວາມຮູ້ກ່ຽວກັບການປ້ອງກັນໃຫ້ທົ່ວເຖິງ,ຍົກສະຕິປ້ອງກັນຕົນເອງຂອງມວນຊົນໃຫ້ສູງຂຶ້ນ.
ແຕ່ປີນີ້,ຢູ່ຈີນ ລວມມີສິບກວ່າແຂວງໄດ້ເກີດມີສະພາບໄຂ້ຫວັດສັດປີກປະເພດຮ້າຍແຮງ.
|
