ຕາມ​ຂ່າວສານ​ຊິນ​ຮວາ:ທະນາຄານ​ພັດທະນາ​ອາຊີ​(ADB)ໄດ້​ອະນຸມັດ​ສະຫນອງເງິນ​ກູ້208ລ້ານ​ໂດ​ລາ​ສະຫະລັດ,ສະຫນັບສະຫນູນ​ໂຄງການ​ທາງ​ດ່ວນ​ສາຍ​ຫນຶ່ງຢູ່​ເຂດຕາ​ເວັນ​ຕົກ​ແຂວງ​ຫູນານ​ຂອງ​ຈີນ.

ໂຄງການ​ນີ້​​ແມ່ນ​ສ້າງ​ຢູ່​ເຂດ​ທຸກ​ຍາກ​ທີ່​ສຸດ​ຂອງ​ຈີນ,ການ​ພັດທະນາ​​ເສດ​ທະ​ກິດ​​ຫລ້າຫລັງ​ຫລາຍ​ຍ້ອນ​ຖືກພື້ນຖານ​ໂຄງ​ລ່າງ​ຂອງ​ເສັ້ນ​ທາງ​ຈຳກັດ​ໃນ​ເວລາ​ຍາວ​ນານມາ​ນີ້.​ປະຊາກອນ​ຊົນນະບົດທີ່​ຈະ​ໄດ້​ຮັບ​ຜົນ​ດີ​ຈາກ​ທາງ​ດ່ວນ​ນັ້ນ​ກວມ80%,​ບໍ່ພ​ຽງ​ແຕ່​ເທົ່າ​ນັ້ນ​ສ່ວນ​ຫລາຍຍັງ​ແມ່ນ​ຊົນ​ເຜົ່າ​ສ່ວນ​ຫນ້ອຍ.

ບຸກຄົນ​ກ່ຽວຂ້ອງ​ເຫັນວ່າ,ເງື່ອນ​ໄຂ​ຄົມມະນາຄົມດີ​ຂຶ້ນ​ນັ້ນ​ຈະ​ມີ​ຜົນ​ດີ​ຕໍ່​ປະຊາຊົນ​ໃນ​ເຂດ​ນີ້​​ໃນ​ການປູກ​ເຄື່ອງ​ປູກຂອງ​ຝັງ​ອຸດສາຫະກຳຫລື​​ເປັນ​ແຮງ​ງານ​ອອກ​ໄປ​ເຮັດ​ວຽກ​ຕາມ​ລະດູ​ການ​ເພື່ອ​ຫາ​ລາຍ​ໄດ້,ຊຸກຍູ້​ການ​ແລກປ່ຽນລະຫວ່າງ​ຕົວ​ເມືອງ​ກັບຊົນ​ນະ​ບົດ.