|
|
 |
| (GMT+08:00)
2005-12-19 18:49:34
|
 |
|
ຫ້ອງໂຄຈອນຂອງຍານອະວະກາດເສີນໂຈວເລກ 6 ສືບຕໍ່ໝູນເດີນຢ່າງເປັນປົກກະຕິ
cri
Author: mo
ຕາມຂ່າວຈາກໜັງສືພິມຈົ່ງກົວະຊິງນຽນປ້າວ: ນັບມາຮອດຕອນເຊົ້າມືດ 3 ໂມງ 44 ນາທີຂອງວັນທີ 17 ທັນວາ, ຫ້ອງໂຄຈອນຍານອະວະກາດເສີນໂຈວເລກ 6 ໄດ້ໝູນເດີນຢູ່ອະວະກາດເປັນປົກກະຕິ 60 ມື້ແລ້ວ, ການທົດລອງວິທະຍາສາດຕ່າງໆໄດ້ດຳເນີນຕາມແຜນການຢ່າງສະດວກ, ແລະໄດ້ຮັບໝາກຜົນໃນເບື້ອງຕົ້ນ.
ທ່ານລິວຈູ້ນເຈີ ຫົວໜ້າຫ້ອງການຄຸ້ມຄອງເຄື່ອງບິນຂອງສູນຄວບຄຸມການບິນອະວະກາດປັກກິ່ງແນະນຳວ່າ, ຫ້ອງໂຄຈອນຂອງຍານອະວະກາດເສີນໂຈວເລກ 6ໄດ້ແຍກອອກກັບຫ້ອງກັບຄືນໃນວັນທີ 17 ຕຸລາ, ແລ້ວບີນຢູ່ອະວະກາດເປັນເວລາ 6 ເດືອນກວ່າ. ປະຈຸບັນ, ຕົວເລກຕິດຕາມວັດແທກຕ່າງໆສະແດງໃຫ້ເຫັນວ່າ, ລະບົບວຽກງານທັງໝົດຂອງຫ້ອງໂຄຈອນໄດ້ໝູນເດີນເປັນປົກກະຕິ, ເຄື່ອງວັດແທກວິທະຍາສາດໃນຫ້ອງໂຄຈອນໄດ້ເຮັດວຽກຢ່າງເປັນທາງການ, ແລະໄດ້ສຳເລັດການທົດລອງວິທະຍາສາດຫລາຍປະການຢ່າງງົດງາມ, ໄດ້ສ້າງພື້ນຖານໃຫ້ແກ່ການບິນອະວະກາດບັນທຸກຄົນແລະການຕິດຕໍ່ກັນຢູ່ອະວະກາດໃນພາຍໜ້າ.
|
|
|
