|
|
 |
| (GMT+08:00)
2005-12-20 18:15:21
|
 |
|
ກອງປະຊຸມສາກົນລະດົມທຶນປ້ອງກັນແລະຄວບຄຸມໄຂ້ຫວັດສັດປີກຫຼືໄຂ້ຫວັດໃຫຍ່ຈະຈັດຂຶ້ນຢູ່ປັກກິ່ງ
cri
Author: MO
ຕາມຂ່າວCRI: ວັນທີ 20 ທັນວາ, ທ່ານສິນກາງ ໂຄສົກກະຊວງການຕ່າງປະເທດຈີນປະກາດຕໍ່ພາຍນອກວ່າ, ລັດຖະບານຈີນຈະຮ່ວມກັນກັບຄະນະກຳມາທິການສະຫະພາບເອີລົບແລະທະນາຄານໂລກຈັດກອງປະຊຸມສາກົນລະດົມທຶນປ້ອງກັນແລະຄວບຄຸມໄຂ້ຫວັດສັດປີກຫຼໄຂ້ຫວັດືຄົນຢູ່ທີ່ປັກກິ່ງແຕ່ວັນທີ 17 ຮອດວັນທີ 18 ມັງກອນໃນປີໜ້າ.
ກອງປະຊຸມເທື່ອນີ້ມີວັດຖຸປະສົງປະເມີນຄວາມຕ້ອງການເງິນທຶນແລະເຕັກນິກໃນການປ້ອງກັນຄວບຄຸມໄຂ້ຫວັດສັດປີກໃນປະເທດແລະເຂດແຄວ້ນທີ່ກ່ຽວຂ້ອງໃນສະເພາະໜ້າ, ລະດົມຂົນຂວາຍໃຫ້ບັນດາຝ່າຍໂຮມທຶນກັນເພື່ອເລື່ອງນີ້, ແລະສ້າງກົນໄກຄຸ້ມຄອງແລະປະສານງານຂອງເງິນທຶນທີ່ຫ້າງຫາມາໄດ້.
ກອງປະຊຸມເທື່ອນີ້ແບ່ງເປັນສອງພາກສ່ວນຄືກອງປະຊຸມເຈົ້າໜ້າທີ່ຊັ້ນສູງກັບກອງປະຊຸມລັດຖະມົນຕີ. ກອງປະຊຸມຈະຜ່ານຖະແຫລງການປັກກິ່ງທີ່ສ່ອງແສງຄວາມຕັດສິນໃຈທາງການເມືອງຂອງບັນດາປະເທດໃນການຮັບມືກັບໄຂ້ຫວັດສັດປີກ, ແລະສະເໜີຄວາມເຫັນກ່ຽວກັບກົນໄກຄຸ້ມຄອງແລະປະສານງານຂອງມູນນິທິປ້ອງກັນແລະຄວບຄຸມໄຂ້ຫວັດສັດປີກ.
|
|
|
