|
ຫາງສຽງມາກາວຕີລາຄາສູງຕໍ່ການປ່ຽນແປງຂອງມາກາວແຕ່ກັບຄືນສູ່ປະເທດຊາດ 6 ປີມານີ້
cri
Author: MO
ຕາມຂ່າວສານຊີນຮວາ: ວັນທີ 20 ທັນວາແມ່ນວັນລະລຶກມາກາວກັບຄືນສູ່ປະເທດຊາດແລະເຂດພິເສດມາກາວສ້າງຕັ້ງຂຶ້ນຄົບຮອບ 6 ປີ, ໜັງສືພິມຕ່າງໆຂອງມາກາວພາກັນພິມບົດວິຈານ, ຕີລາຄາສູງຕໍ່ການປ່ຽນແປງປານປີ້ນຟ້າຂວ້ຳແຜ່ນດິນຢູ່ມາກາວຫລັງຈາກກັບຄືນສູ່ປະເທດຊາດ.
ບົດຄວາມຂອງໜັງສືພິມ"ຕ້າຈົ້ງປ້າວ"ຂຽນວ່າ, ມາກາວໃນຊູ່ມື້ນີ້, ສັງຄົມສະຫງົບສັນຕິ, ເສດຖະກິດເຕີບໂຕຢ່າງສືບເນື່ອງ, ໄທເມືອງຢູ່ເຢັນເປັນສຸກ, ໄດ້ສະແດງໃຫ້ເຫັນຜົນສຳເລັດຂອງທິດທາງປະເທດດຽວສອງລະບອບ.
ໜັງສືພິມ"ອ້າວເມີນຢື້ປ້າວ"ພິມບົດວິຈານວ່າ, ໃນ 6 ປີມານີ້, ເສດຖະກິດຂອງມາກາວຍ່າງອອກຈາກຕົ້ນໂສກ, ຈົນມາຮອດປະຈຸບັນທີ່ເສດຖະກິດເຕີບໂຕນຳທຸກປີ, ທັງນີ້ນອກຈາກອົງການປົກຄອງເຂດພິເສດໄດ້ກຳໂອກາດພັດທະນາ, ແລະລັດຖະບານສະໜັບສະໜູນຢ່າງແຂງແຮງແລ້ວ, ສຳຄັນກວ່ານັ້ນແມ່ນໄທເມືອງມາກາວຍິນດີປະສານສົມທົບກັບໂຄງການບໍລິຫານຂອງອົງການປົກຄອງ, ເຮັດໃຫ້ມາກາວສາມາດພັດທະນາໃນທ່າມກາງບັນຍາກາດທີ່ກົມກຽວກັນ. ເຊື່ອວ່າ, ເມື່ອໄທເມືອງມາກາວພ້ອມໃຈຮ່ວມແຮງກັນກັບອົງການປົກຄອງແລ້ວ, ສັງຄົມມາກາວຍ່ອມຈະເຕັມໄປດ້ວຍພະລັງຊີວິດ, ພັດທະນາຕໍ່ໄປຢ່າງບໍ່ຢຸດຢັ້ງ.
|
|
