ຕາມຂ່າວສານຊິນຮວາ:ທ່ານຊິນກາງ ໂຄສົກກະຊວງການຕ່າງປະເທດຈີນກ່າວຢູ່ປັກກິ່ງວ່າ,ຮົງກົງແມ່ນຮົງກົງຂອງຈີນ,ວຽກງານຂອງເຂດພິເສດຮົງກົງແມ່ນວຽງງານພາຍໃນຂອງຈີນ,ບໍ່ໃຫ້ຕ່າງປະເທດໃດໆແຊກແຊງ.
ຕາມລາຍງານຂ່າວ,ວັນທີ22ທັນວາ,ໃນງານຊຸມນຸມນັກຂ່າວເປັນປະຈຳ,ໂຄສົກກະຊວງການຕ່າງປະເທດອາເມລິກາໄດ້ວິຈານອີກເທື່ອໜຶ່ງກ່ຽວກັບບັນຫາການພັດທະນາໂຄງປະກອບການເມືອງຮົງກົງ.
ວັນທີ23ທັນວາ,ທ່ານຊິນກາງເວົ້າວ່າ,ໃນໄລຍະໜຶ່ງມານີ້,ຝ່າຍອາເມລິກາໄດ້ ວິຈານຕໍ່ວຽກງານຂອງເຂດພິເສດຮົງກົງຕາມລຳພັງໃຈເທື່ອແລ້ວເທື່ອອີກ,ໄດ້ລະເມີດຫຼັກມາດຖານພື້ນຖານການພົວພັນລະຫວ່າງຊາດທີ່ບໍ່ແຊກແຊງວຽກງານພາຍໃນຂອງປະເທດອື່ນ.ຕໍ່ເລື່ອງນີ້,ຝ່າຍຈີນຄັດຄ້ານຢ່າງເດັດຂາດ.
ວັນທີ23ທັນວາ,ໂຄສົກອົງການປົກຄອງເຂດພິເສດຮົງກົງກໍ່ໄດ້ສະແດງຄວາມຜິດຫວັງຕໍ່ຄຳເວົ້າກ່ຽວກັບການພັດທະນາໂຄງປະກອບການເມືອງຮົງກົງຂອງໂຄສົກກະຊວງການຕ່າງປະເທດອາເມລິກາ.
|