|
ໂຄສົກກະຊວງການຕ່າງປະເທດກ່າວເນັ້ນວ່າ, ບໍ່ວ່າຜູ່ໃດຄອງອຳນາດ ຍີ່ປຸ່ນກໍ່ຄວນອີງຕາມຈິດໃຈຖືປະຫວັດສາດເປັນແວ່ນແຍງ ເຮັດໃຫ້ການພົວພັນຈີນຍີ່ປຸ່ນໄດ້ຮັບການປົວແປງ
cri
ຕາມຂ່າວCRI ,ທ່ານຊິນກັງ ໂຄສົກກະຊວງການຕ່າງປະເທດຈີນກ່າວວ່າ,ບໍ່ວ່າແມ່ນພັກການເມືອງໃດຫຼືຜູ່ໃດຄອງອຳນາດ ຍີ່ປຸ່ນກໍ່ຄວນອີງຕາມຈິດໃຈຖືປະຫວັດສາດເປັນແວ່ນແຍງ,ຮັບປະກັນໃຫ້ການພົວພັນຈີນຍີ່ປຸ່ນໄດ້ຮັບການປົວແປງແລະຂະຫຍາຍຕົວຢ່າງບໍ່ຢຸດຢັ້ງ
ມີນັກຂ່າວຖາມວ່າ,ທ່ານໂຄອີຈູມີ ຈູນີຊີໂລ ນາຍົກລັດຖະມົນຕີຍີ່ປຸ່ນໄດ້ກ່າວວ່າ ຈະອອກກິນເບ້ຍບຳນານໃນເດືອນກັນວາ,ນີ້ຈະມີຜົນສະທ້ອນຕໍ່ການພົວພັນ ລະຫວ່າງຈີນກັບຍີ່ປຸ່ນຫຼືບໍ່
ໃນງານຊຸມນຸມນັກຂ່າວທີ່ຈັດຂຶ້ນເປັນປະຈຳໃນວັນທີ 29 ທັນວາ,ທ່ານຊິນກັງໄດ້ກ່າວກ່ຽວກັບເລື່ອງນີ້ວ່າ,ການພົວພັນຈີນຍີ່ປຸ່ນແມ່ນການພົວພັນສອງຝ່າຍທີ່ສຳຄັນທີ່ສຸດ,ແຕ່ໃນສອງປີມານີ້,ການພົວພັນຈີນຍີ່ປຸ່ນໄດ້ປະກົດມີສະພາບອັນຂ້ຽວຂາດທີ່ສຸດ,ສາເຫດແມ່ນໃຜໆກໍ່ຮູ້ກັນຫມົດແລ້ວ,ຫນ້າທີ່ຮັບຜິດຊອບຂອງມັນບໍ່ຢູ່ນຳຝ່າຍຈີນ.ລັດຖະບານຈີນມີເຈດຈຳນົງອີງຕາມຈິດໃຈຖືປະຫວັດສາດເປັນແວ່ງແຍງແລະອ່ວາຍຫນ້າໄປສູ່ອະນາຄົດຢ່າງສະເຫມີຕົ້ນສະເຫມີປາຍ,ຂະ ຫຍາຍການພົວພັນຮ່ວມມືມິດຕະພາບຖານບ້ານໃກ້ເຮືອນຄຽງທີ່ດີຕໍ່ກັນລະຫວ່າງສອງປະເທດຢ່າງເປັນເວລາຍານນານບົນພື້ນຖານເອກະສານການເມືອງທີ່ກ່ຽວຂ້ອງ,ທ່ານກ່າວເນັ້ນວ່າ, ຫຼັກຫມັ້ນ ນະໂຍບາຍແລະຄວາມເຈດຈຳນົງທີ່ກ່ຽວຂ້ອງຂອງຝ່າຍຈີນໃນການຂະຫຍາຍການພົວພັນຈີນຍູ່ປຸ່ນບໍ່ໄດ້ມີການປ່ຽນແປງ
|
|
