|
ຈີນຈະສ້າງສະພາບແວດລ້ອມອັນດີງາມຕື່ມອີກ ເພື່ອດູດດຶງນັກສຶກສາທີ່ຮຽນຢູ່ຕ່າງປະເທດກັບຄືນປະເທດສ້າງພາລະກິດໃຫ້ຫຼາຍກວ່າເກົ່າ
cri
Author: da
ຕາມຂ່າວສານຊິນຮວາ: ຈີນຈະສ້າງສະພາບແວດລ້ອມອັນດີງາມຕື່ມອີກເພື່ອໃຫ້ນັກສຶກສາທີ່ຮຽນຢູ່ຕ່າງປະເທດກັບຄືນປະເທດ,ເຮັດໃຫ້ພວກເຂົາເຈົ້າມີໂອກາດກວ້າງຂວາງກວ່າເກົ່າທີ່ເສີມຂະຫຍາຍຄວາມຮູ້ຄວາມສາມາດຂອງຕົນຫຼັງຈາກຄືນປະເທດແລ້ວ.
ນີ້ແມ່ນທ່ານຈ່າງຊິ່ນເຊີ້ງ ຮອງລັດຖະມົນຕີກະຊວງສຶກສາທິການຈີນໃຫ້ທັດສະນະດັ່ງກ່າວໃນເວລາເຂົ້າຮ່ວມການເຄື່ອນໄຫວຢູ່ເມືອງຊຽງໄຮ້ໃນຫວ່າງມໍ່ໆນີ້,ທ່ານເຫັນໄປໃນແງ່ດີຕໍ່ທ່ວງທ່ານັກສຶກສາຈີນກັບມາເຮັດວຽກຢູ່ປະເທດຕົນ.ທ່ານເວົ້າວ່າ,ຈີນໄດ້ຍຶດໝັ້ນທິດທາງ"ສະໜັບສະໜູນໄປຮຽນຢູ່ຕ່າງປະເທດ,ສົ່ງເສີມກັບຄືນປະເທດ,ໄປມາຢ່າງເສລີ"ນັ້ນຢ່າງສະເໝີຕົ້ນສະເໝີປາຍ,ທັງໄດ້ປະກາດນະໂຍບາຍແລະມາດຕະການຫຼາຍຂໍ້ກ່ຽວກັບການດູດດຶງນັກສຶກສາກັບມາເຮັດວຽກຢູ່ປະເທດຕົນ ຊຶ່ງລວມທັງສະໜອງທຶນສະໜັບສະໜູນເປັນຕົ້ນ.
ຕົວເລກສະຖິຕິສະແດງໃຫ້ເຫັນວ່າ,ແຕ່ປີ 1949 ມານີ້,ຈີນລວມມີນັກສຶກສາ 9 ແສນກວ່າຄົນໄປຮຽນຢູ່ຕ່າງປະເທດ,ໃນນັ້ນມີ 2 ແສນກວ່າຄົນໄດ້ສຳເລັດການຮຽນກັບຄືນປະເທດແລ້ວ,ຊຶ່ງກວມນັກສຶກສາທັງໝົດ 25%.ໂດຍສະເພາະໃນຫຼາຍປີມໍ່ໆມານີ້,ນັກສຶກສາທີ່ສຳເລັດການຮຽນກັບມາເຮັດວຽກຢູ່ປະເທດຕົນນັ້ນໄດ້ຮັກສາທ່ວງທ່າເພີ່ມຂຶ້ນຢ່າງຕໍ່ເນື່ອງ.
|
|
