|
|
 |
| (GMT+08:00)
2006-01-07 17:36:53
|
 |
|
ທ່ານຖາງເຈຍສວນໄປຢາມສົມເດັດນະໂລດົມສີຫະນຸພ້ອມດ້ວຍພະມະເຫສີ
ແລະສົມເດັດນະໂລດົມ ສີຫະໂມນີ
cri
Author: mo
ຕາມຂ່າວCRI: ໂດຍໄດ້ຮັບການມອບໝາຍຈາກທ່ານຫູຈິນທາວ ປະທານປະເທດ ແລະທ່ານເວີນເຈຍປາວ ນາຍົກລັດຖະມົນຕີຈີນ, ວັນທີ 7 ມັງກອນຢູ່ປັກກິ່ງ, ທ່ານຖາງເຈຍສວນ ທີ່ປຶກສາແຫ່ງລັດຈີນໄດ້ໄປຢາມສົມເດັດນະໂລດົມ ສີຫະນຸ ອະດີດເຈົ້າຊີວິດພ້ອມດ້ວຍພະມະເຫສີແລະສົມເດັດນະໂລດົມ ສີຫະໂມນີເຈົ້າຊີວິດກຳປູເຈຍ, ແລະອວຍພອນປີໃໝ່ຕໍ່ພວກເພີ່ນ.
ທ່ານຖາງເຈຍສວນກ່າວເນັ້ນວ່າ, ລັດຖະບານຈີນເອົາໃຈໃສ່ໃນລະດັບສູງນຳການພົວພັນກັບກຳປູເຈຍ, ຍິນດີພ້ອມກັນກັບຝ່າຍກຳປູເຈຍ, ຍົກການພົວພັນມິດຕະພາບແລະຮ່ວມມືກັນລະຫວ່າງສອງປະເທດໃຫ້ຂຶ້ນສູ່ລະດັບໃໝ່ຢ່າງບໍ່ຢຸດຢັ້ງ, ເຮັດໃຫ້ປະຊາຊົນສອງປະເທດມີໄມຕີຈິດຕໍ່ກັນທຸກເຊັ່ນຄົນ. ທ່ານກ່າວວ່າ, ຝ່າຍຈີນຈະເຮັດຄືແຕ່ເກົ່າເມືອຫລັງ, ສະໜັບສະໜູນກຳປູເຈຍທຳຄວາມພະຍາຍາມເພື່ອປົກປັກຮັກສາສະຖຽນລະພາບຂອງຊາດແລະຊຸກຍູ້ເສດຖະກິດໃຫ້ມີການພັດທະນາ.
ສົມເດັດນະໂລດົມສີຫະນຸແລະສົມເດັດສີຫະໂມນີຊົງຕັດວ່າ, ພະບໍລົມມະວົງສານຸວົງ ລັດຖະບານ ແລະປະຊາຊົນກຳປູເຈຍຈະເຮັດຄືແຕ່ເກົ່າເມືອຫລັງສະໜັບສະໜູນຢ່າງໝັ້ນໜຽວຕໍ່ພາລະກິດອັນຍິ່ງໃຫຍ່ແຫ່ງການໂຮມເຂົ້າເປັນເອກະພາບກັນຂອງຈີນ, ອວຍພອນໃຫ້ຈີນຈົ່ງໄດ້ຮັບຜົນສຳເລັດຫລາຍກວ່າເກົ່າໃນການພັດທະນາ.
ສົມເດັດສີຫະໂມນີແມ່ນສະເດັດປະພາດສົມເດັດນະໂລດົມ ສີຫະນຸ ພ້ອມດ້ວຍພະມະເຫສີຢູ່ທີ່ປັກກິ່ງໃນວັນທີ 1 ມັງກອນ.
|
|
|
