|
|
 |
| (GMT+08:00)
2006-01-07 18:18:29
|
|
ຊາວກະສິກອນຈີນ 170 ກວ່າລ້ານຄົນເຂົ້າຮ່ວມການຮ່ວມມືປິ່ນປົວຢູ່ຊົນນະບົດແບບໃໝ່
cri
Author: mo
ຕາມຂ່າວຈາກໜັງສືພິມເຢິນມິນຢື້ປ້າວຂອງຈີນສະບັບວັນທີ 7 ມັງກອນ: ຕາມສະຖິຕິຫລ້າສຸດຂອງກະຊວງສາທາລະນະສຸກຈີນ, ປັດຈຸບັນ, ຢູ່ຈີນໄດ້ມີຊາວກະສິກອນ 170 ກວ່າລ້ານຄົນເຂົ້າຮ່ວມການຮ່ວມມືປິ່ນປົວຢູ່ຊົນນະບົດແບບໃໝ່, ກວມເກືອບ 20% ຂອງປະຊາກອນກະສິກຳ.
ລະບອບປິ່ນປົວຮ່ວມມືຢູ່ຊົນນະບົດແບບໃໝ່ໄດ້ເລີ່ມທົດລອງເມື່ອປີ 2003, ລະບອບລາຍນີ້ໄດ້ເກື້ອກູນຄ່າປິ່ນປົວກ້ອນໃຫຍ່ຫລືຄ່ານອນໂຮງໝໍຂອງຊາວກະສິກອນ, ເພື່ອປ້ອງກັນບໍ່ໃຫ້ຊາວກະສິກອນທຸກຍາກຍ້ອນເຈັບໄຂ້ໄດ້ພະຍາດ. ທຶນຮ່ວມມືປິ່ນປົວມາຈາກສາມພາກສ່ວນເຊັ່ນການເງິນຂອງລັດຖະບານກາງ ອົງການປົກຄອງທ້ອງຖິ່ນແລະເງິນທີ່ຊາວກະສິກອນເສຍໃຫ້.
ກະຊວງສາທາລະນະສຸກຈີນສະແດງວ່າ, ຈະດຳເນີນການທົດລອງຢູ່ບ່ອນກວ້າງກວ່າເກົ່າເທື່ອລະກ້າວ, ຍາດແຍ່ງປະຕິບັດລະບອບດັ່ງກ່າວຢູ່ທົ່ວປະເທດຈີນໃນປີ 2008, ແລະຮັບປະກັນໃຫ້ປະຊາຊົນຊົນນະບົດເຂົ້າຮ່ວມລະບອບດັ່ງກ່າວໃນຂັ້ນພື້ນຖານໃນປີ 2010.
|
|
|
