|
|
 |
| (GMT+08:00)
2006-01-10 11:33:56
|
 |
|
ຈີນພະຍາຍາມສ້າງເປັນປະເທດແບບປະດິດສ້າງໃນປີ 2020
cri
Author: mo
ຕາມຂ່າວສານຊີນຮວາ: ເປົ້າໝາຍຂອງຈີນໃນການພັດທະນາວິທະຍາສາດເຕັກນິກໃນ 15 ປີຂ້າງໜ້າແມ່ນ: ສ້າງເປັນປະເທດແບບປະດິດສ້າງໃນປີ 2020, ເຮັດໃຫ້ການພັດທະນາວິທະຍາສາດເຕັກນິກຄ້ຳຊູການພັດທະນາເສດຖະກິດສັງຄົມຢ່າງແຂງແຮງ.
ທ່ານຫູຈີນທາວ ປະທານປະເທດຈີນໄດ້ວາງເປົ້າໝາຍດັ່ງກ່າວໃນຄຳປາໄສທີ່ກ່າວໃນກອງປະຊຸມວິທະຍາສາດເຕັກນິກທົ່ວປະເທດໃນວັນທີ 9 ມັງກອນ.
ກ່ຽວກັບເລື່ອງນີ້, ທ່ານຊຸ່ນຫົງເລ້ ບັນດິດສະພາບັນດິດວິທະຍາສາດຈີນກ່າວວ່າ, ການຍົກຄວາມສາມາດປະດິດສ້າງໃຫ້ສູງຂຶ້ນ, ບັນລຸການຫັນປ່ຽນຮູບການເຕີບໂຕທາງເສດຖະກິດຢ່າງແທ້ຈິງນັ້ນ, ໄດ້ກາຍເປັນການເລືອກເອົາດ້ານນະໂຍບາຍສຳຄັນອັນຮີບດ່ວນທີ່ສຸດທີ່ຈີນປະເຊີນໃນການພັດທະນາເສດຖະກິດ.
ຕາມສະຖິຕິ, ປະຈຸບັນ, ອັດຕາປະກອບສ່ວນຂອງວິທະຍາສາດເຕັກນິກທີ່ກ້າວໜ້າຂອງຈີນທີ່ມີຕໍ່ການເຕີບໂຕທາງເສດຖະກິດພຽງແຕ່ 39%, ແຕ່ປະເທດພັດທະນາເຊັ່ນອາເມລິກາແລະຍີ່ປຸ່ນເປັນຕົ້ນພັດສູງເຖິງ 70%. ຫວ່າງມໍ່ໆນີ້, ຈີນໄດ້ປະກາດແຜນການພັດທະນາວິທະຍາສາດເຕັກນິກໄລຍະກາງໄລຍະຍາວແຫ່ງຊາດໂດຍຊີ້ອອກວ່າ, ຮອດປີ 2020, ອັດຕາປະກອບສ່ວນຂອງວິທະຍາສາດເຕັກນິກທີ່ກ້າວໜ້າຂອງຈີນທີ່ມີຕໍ່ການເຕີບໂຕທາງເສດຖະກິດຕ້ອງຍົກສູງຮອດປະມານ 60%, ເພື່ອເລື່ອງນີ້, ຈີນຈະເພີ່ມການລົງທຶນເຂົ້າໃນການຄົ້ນຄວ້າວິທະຍາສາດຢ່າງຫຼວງຫຼາຍ.
|
|
|
