|
ລັດຖະບານກາງຈີນເຊື່ອໝັ້ນແລະສະໜັບສະໜູນອົງການປົກຄອງເຂດພິເສດມາກາວຊຳລະຕາມກົດໝາຍຕໍ່ການກະທຳຂອງອົງການໃດໆທີ່ຖືກສົງໃສລະເມີດກົດໝາຍ
cri
Author: mo
ຕາມຂ່າວCRI: ວັນທີ 17 ມັງກອນຢູ່ທີ່ປັກກິ່ງ, ທ່ານຂົງຊວນ ໂຄສົກກະຊວງການຕ່າງປະເທດຈີນກ່າວວ່າ, ລັດຖະບານກາງຈີນເຊື່ອໝັ້ນແລະສະໜັບສະໜູນອົງການປົກຄອງເຂດພິເສດມາກາວສຳຫລວດແລະຊຳລະຕາມກົດໝາຍຕໍ່ການກະທຳຂອງອົງການໃດໆທີ່ຖືກສົງໃສລະເມີດກົດໝາຍ.
ຫວ່າງມໍ່ໆນີ້, ສື່ມວນຊົນສ.ເກົາຫລີແຈ້ງຂ່າວວ່າ, ສປປເກົາຫລີຖືກຕ້ອງຫາສວຍໃຊ້ທະນາຄານຮຸ້ຍເຢ້ມາກາວມາຟອກເງິນຢ່າງຜິດກົດໝາຍ. ຕາມຊາບວ່າ, ຫວ່າງບໍ່ດົນນີ້, ກະຊວງການເງິນອາເມລິກາກໍປະກາດວ່າ, ຕັດການພົວພັນລະຫວ່າງລະບົບການທະນາຄານອາເມລິກາກັບທະນາຄານຮຸ້ຍເຢ້ມາກາວ, ແລະອາດຈະໃຊ້ການກະທຳລົງໂທດຍ້ອນເລື່ອງນີ້.
ໃນເວລາຕອບຄຳຖາມທີ່ກ່ຽວຂ້ອງຂອງນັກຂ່າວ, ທ່ານຂົງຊວນເວົ້າວ່າ, ຕາມກົດໝາຍພື້ນຖານຂອງເຂດພິເສດມາກາວແລະຫລັກການປະເທດດຽວສອງລະບອບຂອງຈີນ, ອົງການປົກຄອງເຂດພິເສດມາກາວຮັບຜິດຊອບຊຳລະບັນຫາທີ່ກ່ຽວຂ້ອງ, ແລະໄດ້ເລີ່ມສຳຫລວດຕາມກົດໝາຍແລ້ວ.
|
|
