|
|
 |
| (GMT+08:00)
2006-01-19 18:52:20
|
 |
|
ການຢ້ຽມຢາມຈີນຂອງທ່ານກິມເຈີງອິນໄດ້ຮັບໝາກຜົນອຸດົມສົມບູນ
cri
Author: MO
ຕາມຂ່າວCRI: ວັນທີ 19 ມັງກອນ, ໃນງານຊຸມນຸມນັກຂ່າວທີ່ຈັດຂຶ້ນຢູ່ປັກກິ່ງ, ທ່ານຂົງຊວນ ໂຄສົກກະຊວງການຕ່າງປະເທດຈີນກ່າວວ່າ, ທ່ານກິມເຈີງອິນ ເລຂາທິການໃຫຍ່ພັກແຮງງານເກົາຫລີ ປະທານຄະນະກຳມະການປ້ອງກັນປະເທດສປປເກົາຫລີໄດ້ມາຢ້ຽມຢາມຈີນໃນຫວ່າງມໍ່ໆນີ້. ການຢ້ຽມຢາມເທື່ອນີ້ແມ່ນມີເນື້ອໃນອຸດົມສົມບູນ. ບໍ່ວ່າໃນດ້ານຊຸກຍູ້ມິດຕະພາບອັນເປັນມູນເຊື້ອແລະການຮ່ວມມືທີ່ຕ່າງຝ່າຍຕ່າງມີຜົນປະໂຫຍດລະຫວ່າງສອງພັກສອງລັດຈີນສປປເກົາຫລີ, ຫລືໃນດ້ານເພີ່ມຄວາມເຂົ້າໃຈກັນລະຫວ່າງປະຊາຊົນສອງປະເທດ, ການຢ້ຽມຢາມລ້ວນແຕ່ໄດ້ຮັບໝາກຜົນອັນອຸດົມສົມບູນ.
ທ່ານຂົງຊວນຊີ້ອອກວ່າ, ຈີນສປປເກົາຫລີເປັນປະເທດບ້ານໃກ້ເຮືອນຄຽງທີ່ມີໄມຕີຈິດຕໍ່ກັນ, ປັດຈຸບັນລ້ວນແຕ່ໄດ້ປະເຊີນກັບການພັດທະນາ, ສອງປະເທດຖອດຖອນບົດຮຽນນຳກັນແມ່ນສຳຄັນທີ່ສຸດ. ແຕ່ສິ່ງທີ່ສຳຄັນກວ່າໝູ່ແມ່ນສອງປະເທດຕ້ອງອິງຕາມສະພາບແຫ່ງຊາດຂອງປະເທດຕົນ, ຊອກຫາເສັ້ນທາງທີ່ສອດຄ່ອງກັບສະພາບຕົວຈິງໃນການພັດທະນາຂອງປະເທດຕົນ.
|
|
|
