|
ທ່ານຮຸຍລຽງຢູ້ (ກາງ)ເປັນປະທານຈັດກອງປະຊຸມວຽກງານກ່ຽວກັບປະສິມມະໄວ
ຕາມຂ່າວສານຊີນຮວາ: ວັນທີ 19 ມັງກອນ, ທ່ານຮຸຍລຽງຢູ້ ຮອງນາຍົກລັດຖະມົນຕີຈີນກ່າວວ່າ, ພາກສ່ວນທີ່ກ່ຽວຂ້ອງຕ່າງໆຂອງຈີນຕ້ອງຮັບຮູ້ຜົນສະທ້ອນຢ່າງເລິກເຊິ່ງທີ່ປະຊາກອນຫັນເປັນຜູ້ເຖົ້າຢ່າງວ່ອງໄວນັ້ນນຳມາໃຫ້ເສດຖະກິດ ການເມືອງແລະສັງຄົມຂອງຈີນ, ເລັ່ງລັດສ້າງລະບົບບໍລິການປະສິມມະໄວ, ອອກແຮງແກ້ໄຂຄວາມຫຍຸ້ງຍາກດ້ານຊີວິດການເປັນຢູ່ຂອງຜູ້ເຖົ້າຜູ້ແກ່, ປົກປັກຮັກສາສິດແລະຜົນປະໂຫຍດອັນຊອບກົດໝາຍຂອງຜູ້ເຖົ້າຢ່າງແທ້ຈິງ.
ໃນກອງປະຊຸມກ່ຽວກັບວຽກງານປະສິມມະໄວ, ທ່ານຮຸຍລຽງຢູ້ກ່າວວ່າ, ຕ້ອງເລັ່ງລັດກໍ່ສ້າງອົງການແລະສິ່ງກໍ່ສ້າງທີ່ບໍລິການປະສິມມະໄວໃນຄຸ້ມເຮືອນຢູ່, ເພີ່ມການລົງທຶນເຂົ້າໃນພາລະກິດສະຫວັດດີການປະສິມມະໄວ, ຊັກນຳແລະສະໜັບສະໜູນໃຫ້ສັງຄົມລົງທຶນສ້າງອົງການລ້ຽງຜູ້ເຖົ້າປະເພດຕ່າງໆ.
ຈີນແມ່ນປະເທດທີ່ມີປະຊາກອນຫລາຍ, ແລະກໍແມ່ນປະເທດທີ່ມີຜູ້ເຖົ້າຫລາຍກວ່າໝູ່, ປັດຈຸບັນ, ປະຊາກອນຜູ້ເຖົ້າທີ່ອາຍຸ 60 ປີຂຶ້ນໄປໄດ້ບັນລຸເຖິງ 143 ລ້ານຄົນ, ກວມຍອດປະຊາກອນ 10% ຂຶ້ນໄປ.
|
