|
|
 |
| (GMT+08:00)
2006-01-20 20:35:31
|
|
ຈີນຈະຍິງສົ່ງດາວທຽມໂທລະຄົມຮຸ້ນໃໝ່ໃນປີໜ້າ
cri
Author: mo
ຕາມຂ່າວCRI: ດາວທຽມໄຊນາແຊັດ 6B ເຊິ່ງເປັນດາວທຽມໂທລະຄົມຮຸ້ນໃໝ່ຂອງຈີນຈະຖືກຍິງສົ່ງຂຶ້ນສູ່ທ້ອງຟ້າຢູ່ສູນຍິງສົ່ງດາວທຽມຊີຊາງ ພາກຕາເວັນຕົກສຽງໃຕ້ຂອງຈີນໃນປີໜ້າ. ຕາມສັນຍາບໍລິການການຍິງສົ່ງທີ່ເຊັນຢູ່ປັກກິ່ງໃນວັນທີ 20 ມັງກອນ, ຈະແມ່ນລູກສອນໄຟຍານສົ່ງສາງເຈີ່ງເລກ 3 ຂ. ຂອງຈີນຍິງສົ່ງດາວທຽມດັ່ງກ່າວ.
ດາມທຽມໄຊນາແຊັດ 6B ຂຶ້ນກັບກຸ່ມບໍລິສັດໂທລະຄົມຜ່ານດາວທຽມຈີນຄົ້ນຄວ້າຜະລິດໂດຍບໍລິສັດການບິນອະວະກາດອາເລເນຍອານກາແຕນຝຣັ່ງ, ຫຼັງຂຶ້ນສູ່ອະວະກາດແລ້ວ, ຈະປົກຫຸ້ມຈີນ ອາຊີອາຄະເນ ມະຫາສະໝຸດປາຊີຟິກ ແລະທະວີບໂອຊຽນນີ, ສາມາດສົ່ງລາຍການໂທລະພາບ 300 ຊຸດໃນເວລາດຽວກັນ.
ລູກສອນໄຟຍານສົ່ງສາງເຈີ່ງເລກ 3 ຂ. ແມ່ນຄົ້ນຄວ້າຜະລິດໂດຍສະຖາບັນຄົ້ນຄວ້າເຕັກນິກລູກສອນໄຟຍານສົ່ງຈີນເປັນຕົ້ນ. ລູກສອນໄຟດັ່ງກ່າວໄດ້ຍິງສົ່ງຢ່າງສຳເລັດຜົນ 5 ເທື່ອລຽນຕິດແລ້ວ, ມີຄວາມໄວ້ໃຈໄດ້ສູງ, ໄດ້ຮັບການຮັບຮອງໂດຍທົ່ວໄປໃນຕະຫລາດສາກົນ.
|
|
|
