|
|
 |
| (GMT+08:00)
2006-01-26 19:09:00
|
 |
|
ຈີນກັບປະເທດອາຟຼິກາຈະເພີ່ມທະວີການຮ່ວມມືໃນຫຼາຍຂົງເຂດ
cri
Author: MO
ຕາມຂ່າວCRI: ວັນທີ 26 ມັງກອນ, ໃນງານຊຸມນຸມນັກຂ່າວທີ່ຈັດຂຶ້ນຢູ່ປັກກິ່ງ, ທ່ານຂົງຊວນ ໂຄສົກກະຊວງການຕ່າງປະເທດຈີນກ່າວວ່າ, ຈີນຈະເພີ່ມທະວີການຮ່ວມມືກັບປະເທດອາຟຼິກາໃນຫຼາຍຂົງເຂດເຊັ່ນການເມືອງ ເສດຖະກິດການຄ້າ ການສຶກສາແລະວຽກງານລະຫວ່າງຊາດເປັນຕົ້ນ.
ໃນເວລາຕອບບັນຫາຂອງນັກຂ່າວກ່ຽວກັບນະໂຍບາຍຕໍ່ອາຟຼິກາຂອງຈີນ, ທ່ານຂົງຊວນເວົ້າວ່າ, ຈີນອາຟຼິກາມີອະນາຄົດຮ່ວມມືອັນກວ້າງຂວາງ. ໃນດ້ານການເມືອງ, ຈີນຈະເພີ່ມທະວີການໄປມາຫາສູ່ກັນຊັ້ນສູງລະຫວ່າງສອງຝ່າຍ, ແລະການແລກປ່ຽນກັນໃນທຸກລະດັບ; ໃນຂົງເຂດເສດຖະກິດການຄ້າ, ຝ່າຍຈີນຈະເຮັດໃຫ້ຮູບການຮ່ວມມືອຸດົມສົມບູນຕື່ມອີກ, ເພີ່ມທະວີເນື້ອໃນຂອງການຮ່ວມມື. ນອກນີ້, ຈີນຈະພ້ອມກັນກັບປະເທດອາຟຼິກາເພີ່ມທະວີການປະສານງານແລະການຮ່ວມມືໃນວຽກງານລະຫວ່າງຊາດ, ພ້ອມກັນປົກປັກຮັກສາສິດຜົນປະໂຫຍດຂອງປະເທດພວມພັດທະນາ.
ກອງປະຊຸມຂັ້ນລັດຖະມົນຕີຄັ້ງທີ 3 ຂອງເວທີປາໄສຈີນອາຟຼິກາຈະຈັດຂຶ້ນຢູ່ປັກກິ່ງໃນລະດູໃບໄມ້ຫຼົ່ນປີນີ້, ວຽກງານກະກຽມທີ່ກ່ຽວຂ້ອງພວມດຳເນີນຢູ່.
ປັດຈຸບັນ, ໃນ 53 ປະເທດອາຟຼິການັ້ນ, ມີ 47 ປະເທດໄດ້ສ້າງສາຍສຳພັນການທູດກັບຈີນແລ້ວ.
|
|
|
