|
|
 |
| (GMT+08:00)
2006-01-28 17:26:33
|
 |
|
ຫົວໜ້າຫ້ອງການວຽກງານຈີນຕ່າງດ້າວຂອງຄະນະລັດຖະບານຈີນອວຍພອນປີໃໝ່ຕໍ່ຊາວຈີນແລະຈີນຕ່າງດ້າວຢູ່ທົ່ວໂລກ
cri
Author: MO
ຕາມຂ່າວສານຊີນຮວາ: ວັນທີ 28 ມັງກອນ, ເນື່ອງໃນໂອກາດບຸນກຸດຈີນ ບຸນປະເພນີທີ່ມີມູນເຊື້ອຂອງຈີນຈະວຽນມາເຖິງ, ທ່ານນາງເສີນຢູ້ເຈ ຫົວໜ້າ ຫ້ອງການວຽກງານຈີນຕ່າງດ້າວຂອງຄະນະລັດຖະບານຈີນໄດ້ກ່າວຄຳອວຍພອນປີໃໝ່, ຝາກຄວາມຖາມຂ່າວແລະຄວາມອວຍພອນອັນປະເສີດຕໍ່ຊາວຈີນແລະຈີນຕ່າງດ້າວຢູ່ແຫ່ງຕ່າງໆຂອງໂລກ.
ທ່ານນາງເສີນຢູ້ເຈເວົ້າວ່າ, ຜົນສຳເລັດທີ່ຈີນຍາດມາໄດ້ໃນການປະຕິຮູບແລະການພັດທະນານັ້ນແມ່ນຕັດແຍກອອກຈາກຄວາມເອົາໃຈໃສ່ ການສະສະໜັບສະໜູນແລະການຊ່ອຍເຫຼືອຂອງຊາວຈີນແລະຈີນຕ່າງດ້າວອັນໄພສານນັ້ນບໍ່ໄດ້. ທ່ານເຊື່ອວ່າ, ພາຍໃຕ້ຄວາມພະຍາຍາມຮ່ວມກັນຂອງລູກຫຼານຈີນພາຍໃນປະເທດແລະຕ່າງປະເທດ, ການທ້ອນໂຮມປະເທດເຂົ້າເປັນເອກະພາບກັນຢ່າງສິ້ນຊິງຂອງຈີນຍ່ອມຈະບັນລຸເປັນຈິງໂດຍໄວເທົ່າທີ່ຈະໄວໄດ້.
ມື້ດຽວກັນ, ທ່ານລີນຈ້າວຊູ ປະທານສະຫະພັນຊາວຈີນຕ່າງດ້າວທີ່ກັບຄືນປະເທດຂອງທົ່ວປະເທດຈີນກໍໄດ້ກ່າວຄຳອວຍພອນປີໃໝ່.
|
|
|
