|
ຈີນຈະເລັ່ງລັດສ້າງກະສິກຳແບບປະຢັດ
cri
Author: mo
ຕາມຂ່າວສານຊີນຮວາ: ຫວ່າງມໍ່ໆນີ້, ທ່ານຈາງປາວເວີນ ຮອງລັດຖະມົນຕີກະຊວງກະສິກຳຈີນກ່າວວ່າ, ຈີນຈະອອກແຮງພັດທະນາການຜະລິດກະສິກຳແບບສະອາດ, ໃຊ້ຝູ່ນເຄມີຢ່າງສົມເຫດສົມຜົນ, ເພີ່ມທະວີການນຳໃຊ້ຊັບພະຍາກອນຕ່າງໆເຊັ່ນຫຍ້າເຟືອງ, ອາຍເມຕານເປັນຕົ້ນຢ່າງສັງລວມ, ປົວແປງສິ່ງແວດລ້ອມຊີວະພາບໃນຊົນນະບົດໃຫ້ດີຂຶ້ນ, ຊຸກຍູ້ໃຫ້ເສດຖະກິດຊົນນະບົດພັດທະນາແບບໝູນວຽນ.
ທ່ານຈາງປາວເວີນເວົ້າວ່າ, ໃນສະເພາະໜ້ານີ້ແລະໃນໄລຍະໜຶ່ງຂ້າງໜ້ານີ້, ກະຊວງກະສິກຳຈະເພີ່ມທະວີການຄຸ້ມຄອງຄຸນນະພາບຂອງດິນປູກຝັງ, ເຜີຍແຜ່ເຕັກນິກບຳລຸງດິນປູກຝັງແລະເຕັກນິກຄາດໄຖດິນປູກຝັງແບບຮັກສາ, ບູລະນະສິ່ງກໍ່ສ້າງຊົນລະປະທານນາສວນ; ຍັງຈະເຜີຍແຜ່ເຕັກນິກກະສິກຳແບບປະຢັດນ້ຳຢ່າງມີການແນໃສ່, ຍົກອັດຕານຳໃຊ້ຝົນຕົກຕາມທຳມະຊາດແລະຄວາມສາມາດການຜະລິດສັງລວມຂອງດິນແຫ້ງ.
ນອກນີ້, ຈີນຍັງຈະເພີ່ມທະວີການເຜີຍແຜ່ແລະນຳໃຊ້ອາຍເມຕານຢູ່ຊົນນະບົດ, ເລັ່ງລັດການພັດທະນາແລະນຳໃຊ້ພະລັງງານທີ່ເກີດໃໝ່ໄດ້ເຊັ່ນພະລັງຕາເວັນ, ພະລັງລົມ, ແລະເຂື່ອນໄຟຟ້າຊົນນະບົດເປັນຕົ້ນ.
|
|
