|
|
(GMT+08:00)
2006-01-29 20:04:37
|
|
ໜັງສືພິມເຢິນມີນຢື້ປ້າວທີ່ຈະພິມຈຳໜ່າຍໃນມື້ອື່ນຈະພິມບົດນຳລະລຶກຄຳປາໄສຂອງທ່ານຈຽງເຈີມີນກ່ຽວກັບບັນຫາໄຕ້ຫວັນປະກາດຄົບຮອບ 11 ປີ
cri
Author: mo
ຕາມຂ່າວສານຊີນຮວາ: ວັນທີ 30 ມັງກອນ, ໜັງສືພິມເຢີນມີນຢື້ປ້າວ ໜັງສືພິມທີ່ມີອິດທິພົນກວ່າໝູ່ຂອງຈີນຈະພິມບົດນຳກ່ຽວກັບຄຳປາໄສຂອງທ່ານຈຽງເຈີມີນກ່ຽວກັບບັນຫາໄຕ້ຫວັນປະກາດຄົບຮອບ 11 ປີ, ບົດນຳມີພາດຫົວເລື່ອງວ່າ: ພະຍາຍາມສ້າງການພົວພັນສອງຝັ່ງທີ່ຂະຫຍາຍຕົວໂດຍສັນຕິແລະໝັ້ນທ່ຽງ.
ບົດນຳຊີ້ອອກວ່າ, ໃນຫຼາຍປີມານີ້, ລັດຖະບານແລະປະຊາຊົນຈີນໄດ້ທຳຄວາມພະຍາຍາມຢ່າງບໍ່ລົດລະໃນດ້ານຊຸກຍູ້ການໄປມາຫາສູ່ກັນດ້ານບຸກຄົນແລະການແລກປ່ຽນດ້ານເສດຖະກິດວັດທະນະທຳລະຫວ່າງສອງຝັ່ງ. ໃນໜຶ່ງປີທີ່ຜ່ານມາ, ຝ່າຍແຜ່ນດິນໃຫຍ່ກໍໄດ້ໃຊ້ມາດຕະການສຳຄັນຕ່າງໆເພື່ອປົກປັກຮັກສາສັນຕິພາບແລະສະຖຽນລະພາບຂອງເຂດຊ່ອງແຄບໄຕ້ຫວັນ, ຊຸກຍູ້ການພົວພັນລະຫວ່າງສອງຝັ່ງໃຫ້ຂະຫຍາຍຕົວ. ເມື່ອພີ່ນ້ອງຮ່ວມຊາດສອງຝັ່ງພ້ອມກັບພະຍາຍາມແລ້ວ, ປັດໃຈທີ່ມີຜົນດີຕໍ່ການສະກັດກັ້ນການເຄື່ອນໄຫວແບ່ງແຍກໄຕ້ຫວັນເປັນເອກະລາດໃນການການພົວພັນສອງຝັ່ງໄດ້ເພີ່ມຂຶ້ນ.
ບົດຄວາມກ່າວເນັ້ນວ່າ, ການເດັດດ່ຽວຄັດຄ້ານແລະສະກັດກັ້ນການເຄື່ອນໄຫວແຍກໄຕ້ຫວັນເປັນເອກະລາດຍັງຄົງແມ່ນໜ້າທີ່ອັນຮີບດ່ວນກວ່າໝູ່ຂອງພີ່ນ້ອງຮ່ວມຊາດສອງຝັ່ງໃນສະເພາະໜ້ານີ້. ຕໍ່ໄປພາຍໜ້າ, ຝ່າຍແຜ່ນດິນໃຫຍ່ຈະສືບຕໍ່ສາມັກຄີກັບພີ່ນ້ອງຮ່ວມຊາດໄຕ້ຫວັນອັນໄພສານ, ຊຸກຍູ້ໃຫ້ພົນລະເມືອງສອງຝັ່ງໄປມາຫາສູ່ກັນແລະແລກປ່ຽນກັນໃນດ້ານຕ່າງໆ, ເປີດກວ້າງລວງເລິກແລະລວງກວ້າງຂອງການແລກປ່ຽນແລະຮ່ວມມືດ້ານເສດຖະກິດລະຫວ່າງສອງຝັ່ງ. ພ້ອມກັນນັ້ນ, ສືບຕໍ່ຊຸກຍູ້ໃຫ້ຟື້ນຟູການສົນທະນາແລະການເຈລະຈາລະຫວ່າງສອງຝັ່ງບົນພື້ນຖານຫຼັກການຈີນດຽວ.
|
|
|