|
ຝ່າຍຈີນເຫັນວ່າ, ບໍ່ວ່າພັກຝ່າຍໃດຂອງປາເລັສຕີນຄອງອຳນາດກໍຄວນຍາດແຍ່ງບັນລຸສັນຕິພາບແລະສະຖຽນລະພາບຢູ່ພາກພື້ນຕາເວັນອອກກາງ
cri
Author: mo
ຕາມຂ່າວCRI: ວັນທີ 7 ກຸມພາຢູ່ທີ່ປັກກິ່ງ, ທ່ານຂົງສວນ ໂຄສົກກະຊວງການຕ່າງປະເທດຈີນກ່າວວ່າ, ຝ່າຍຈີນເຫັນວ່າ, ບໍ່ວ່າພັກຝ່າຍໃດຂອງປາເລັສຕີນຄອງອຳນາດກໍຄວນຍາດແຍ່ງບັນລຸສັນຕິພາບແລະສະຖຽນລະພາບຂອງພາກພື້ນຕາເວັນອອກກາງ.
ວັນທີ 27 ມັງກອນ, ຂະບວນການອິສລາມຕໍ່ຕ້ານຄືອົງການຮາມັສໄດ້ຮັບໄຊຊະນະໃນການເລືອກຕັ້ງຄະນະກຳມະການນິຕິບັນຍັດປາເລັສຕີນ. ໃນງານຊຸມນຸມນັກຂ່າວ, ທ່ານຂົງສວນໄດ້ຕອບຄຳຖາມຂອງນັກຂ່າວກ່ຽວກັບເລື່ອງນີ້, ທ່ານເວົ້າວ່າ, ຝ່າຍຈີນຫວັງວ່າການເລືອກຕັ້ງສາມາດຊຸກຍູ້ສະຖຽນລະພາບແລະການພັດທະນາຂອງປາເລັສຕີນ. ພ້ອມກັນນັ້ນ, ທ່ານກ່າວເນັ້ນວ່າ, ຝ່າຍຈີນເຫັນວ່າ, ປາເລັສຕີນບໍ່ວ່າພັກຝ່າຍໃດຄອງອຳນາດ, ກໍລ້ວນແຕ່ຄວນຖືການປົກປັກຮັກສາຜົນປະໂຫຍດກົກຮາກຂອງປະຊາຊົນປາເລັສຕີນເປັນເດີມພັນ, ບັນລຸສັນຕິພາບແລະສະຖຽນລະພາບຖາວອນຢູ່ພາກພື້ນຕາເວັນອອກກາງໂດຍໄວເທົ່າທີ່ຈະໄວໄດ້.
|
|
