ຕາມ​ຂ່າວcri:ຈີນ​ພວມ​ສຸມ​ກຳລັງ​ສ້າງ​ອົງການ​ປິ່ນ​ປົວ​ຂະ​ໜາດ​ນ້ອຍຢູ່​ຄຸ້ມ​ເຮືອນ​ຢູ່​ໃນບັນ​ດາ​ຕົວ​ເມືອງ​ທົ່ວປະ​ເທດ​ຈີນ,​ເພື່ອ​ອຳ​ນວຍ​ການ​ບໍລິການ​ທີ່​ສະດວກ​ແລະ​ລາຄາ​ຖືກ​ໃຫ້​ແກ່​ໄທ​ເມືອງ​.

ວັນ​ທີ10​ກຸມພາ,ຢູ່​ທີ່​ປັກ​ກິ່ງ,ທ່ານ​ມາວ​ຊຸນ​ອ່ານ ​ໂຄສົກ​ກະຊວງ​ສາທາ​ທະນະ​ສຸກ​ຈີນ​ກ່າວວ່າ,​ອົງການ​ປິ່ນປົວຢູ່​ຄຸ້ນ​ເຮືອນ​ຢູ່​ສາມາດ​ອຳນວຍ​ຄວາມ​ສະ​ດວກ​ແລະການ​ບໍລິ​ການ​ປິ່ນປົວ​ພະຍາ​ບານ​ທີ່​ສະດວກ​ແລະ​ວ່ອງ​ໄວ​ໃຫ້​ແກ່​ໄທ​ເມືອງ,​ຄ່າ​ປິ່ນປົວ​ກໍ່ຕ່ຳ​ກວ່າ​ໂຮງ​ໝໍ​ສັງ​ລວມ​ຂ້ອນ​ຂ້າງ​ໃຫຍ່.ນັບ​ມາ​ຮອດ​ປະຈຸ​ບັນ,ຈີນ​ໄດ້​ສ້າງ​ອົງການ​ປິ່ນ​ປົວ​ຢູ່ຄຸ້ມ​ເຮືອນ​ຢູ່1​ໝື່ນ​ກວ່າ​ແຫ່ງ​ໃນ​ຕົວ​ເມືອງ​ສ່ວນ​ຫຼາຍທົ່ວ​ປະ​ເທດ​ຈີນ​ແລ້ວ,ພ້ອມ​ກັນ​ນັ້ນ,ໄດ້​ອົບຮົມ​ພະນັກ​ງານ​ປິ່ນ​​ປົວ​ພະຍາ​ບານຈຳ​ນວນ​ຫຼວງ​ຫຼາຍ​ໃຫ້​​ແກ່ອົງ​ການ​ປິ່ນປົວ​ຢູ່ຄຸ້ມ​ເຮືອນ​ຢູ່.

ທ່ານ​ມາວ​ຊຸນ​ອ່ານ​ກ່າວ​ວ່າ,​ເບິ່ງ​ຈາກສະ​ພາບກວມ​ລວມ​ແລ້ວ​ເຫັນ​ວ່າ,ການ​ບໍລິການ​ປິ່ນປົວຢູ່​ຄຸ້ມ​ເຮືອນ​ຢູ່​ຂອງ​ຈີນ​ຍັງ​ຢູ່​ໃນ​ໄລຍະ​​ເບື້ອງ​ຕົ້ນ,ຍັງຕອບ​ສະໜອງ​ກັບ​ຄວາມ​ຕ້ອງການ​ຂອງ​ມວນ​ຊົນ​ອັນ​​ໄພສານ​ຍາກ.ກະ​ຊວງ​ສາທາ​ລະນະ​ສຸກຈີນ​ຈະ​ວາງ​ແຜນ​ທີ່​ກ່ຽວ​ຂ້ອງ,ອອກ​ແຮງຊຸກ​ຍູ້​ການ​ກໍ່ສ້າງ​ອົງການ​ປິ່ນປົວ​ຢູ່ຄຸ້ມ​ເຮືອນ​ຢູ່.