|
ຕາມຂ່າວສານຊິນຮວາ:ການຫຼິ້ນເກມຄອມພິວເຕີໄດ້ກາຍເປັນວິທີລື່ນເລີງຕົ້ນຕໍຂອງນັກຮຽນນັກສຶກສາຊາວໜຸ່ມເຍົາວະຊົນອັນໄພສານຂອງຈີນແລ້ວ.
ຫວ່າງມໍ່ໆນີ້,ສະຖາບັນສຳຫຼວດສັງຄົມຈີນໄດ້ສຳຫຼວດຊາວໜຸ່ມເຍົາວະຊົນ1000ຄົນຂອງນະຄອນປັກກິ່ງແລະຊຽງໄຮ້ເປັນຕົ້ນດ້ວຍໃບສອບຖາມ,ຜົນສຳຫຼວດສະແດງໃຫ້ເຫັນວ່າ,ຜູ້ໃຫ້ສຳພາດມີເກືອບ90%ຫຼິ້ນເກມຄອມພິວເຕີເປັນປະຈຳ,ຜູ້ຮັບການສຳຫຼວດຫຼາຍກວ່າ60%ເຫັນວ່າເກມທີ່ມີເນື້ອໃນຕໍ່ສູ້ດ້ວຍກຳລັງຮຸນແຮງແລະເນື້ອໃນຜູ້ໃຫຍ່ນັ້ນຈັບໃຈຄົນຫຼາຍກວ່າໝູ່.
ສຳລັບບັນຫາຈະປະຕິບັດຕໍ່ເກມຄອມພິວເຕີແນວໃດນັ້ນ,ຄຳຄິດຄຳເຫັນຂອງຄົນທັງຫຼາຍແຕກຕ່າງກັນ.ຜູ້ໃຫ້ສຳພາດສ່ວນຫຼາຍເຫັນວ່າເກມຄອມພິວເຕີພຽງແຕ່ແມ່ນການຢ່ອນອາລົມຊະນິດໜຶ່ງເທົ່ານັ້ນ,ກໍ່ຄືກັນກັບການລື່ນເລີງຊະນິດອື່ນໆ,ຖ້າວ່າຫຼິ້ນພໍດ້ານພໍດີກໍ່ບໍ່ເປັນຫຍັງ.ແຕ່ຜູ້ຊ່ຽວຊານທີ່ກ່ຽວຂ້ອງພັດຊີ້ອອກວ່າ,ປະຈຸບັນ,ເກມຈຳນວນໜຶ່ງໃນຕະຫຼາດແລະອິນເຕີເນັດນັ້ນ ເຕັມໄປດ້ວຍເນື້ອໃນທີ່ບໍ່ປອດໃສ,ເຊັ່ນ,ກຳລັງຮຸນແຮງ,ກາມະລົມເປັນຕົ້ນ.ເກມເຫຼົ່ານີ້ໄດ້ກາຍເປັນປັດໄຈສຳຄັນທີ່ຫຼອກລໍ້ໃຫ້ຊາວໜຸ່ມເຍົາວະຊົນຈີນຕ້ອງໂທດດ້ວຍກຳລັງຮຸນແຮງ,ຕ້ອງໂທດທາງເພດພ້ອມດ້ວຍການກະທຳບໍ່ດີ,ແລະຈິດໃຈບໍ່ປອດໃສ.
|
