|
ຝ່າຍຈີນຫວັງຢ່າງຈິງໃຈໃຫ້ມຽນມາສືບຕໍ່ຊຸກຍູ້ຂະບວນປອງດອງກັນພາຍໃນປະເທດ
cri
Author: da
ຕາມຂ່າວCRI:ວັນທີ 14 ກຸມພາ,ຢູ່ປັກກິ່ງ,ໃນເວລາພົບປະທ່ານໂຊວິນ ນາຍົກລັດຖະມົນຕີມຽນມາທີ່ມາຢ້ຽມຢາມ ທ່ານເວີນເຈຍປາວ ນາຍົກລັດຖະມົນຕີຈີນເວົ້າວ່າ,ຝ່າຍຈີນຫວັງຢ່າງຈິງໃຈໃຫ້ມຽນມາສືບຕໍ່ຊຸກຍູ້ຂະບວນປອງດອງກັນພາຍໃນປະເທດ,ບັນລຸການພັດທະນາເສດຖະກິດແລະຄວາມກ້າວໜ້າທາງສັງຄົມ.
ທ່ານເວີນເຈຍປາວກ່າວເນັ້ນວ່າ,ວຽກງານພາຍໃນຂອງມຽນມາຄວນໃຫ້ລັດຖະບານແລະປະຊາຊົນມຽນມາຫາລຶແກ້ໄຂໂດຍຕົນເອງ.ພ້ອມກັນນັ້ນ ທ່ານເວົ້າວ່າ,ລັດຖະບານຈີນໄດ້ເອົາໃຈໃສ່ນຳການຂະຫຍາຍການພົວພັນລະຫວ່າງຈີນມຽນມາໂດຍຕະຫຼອດ,ຫວັງໃຫ້ປັບປຸງມິດຕະພາບອັນເປັນມູນເຊື້ອລະຫວ່າງສອງປະເທດໃຫ້ໝັ້ນຄົງຢ່າງບໍ່ຢຸດຢັ້ງ,ເພີ່ມທະວີການຮ່ວມມືໄມຕີຈິດລະຫວ່າງສອງຝ່າຍໃນຂົງເຂດຕ່າງໆ,ບັນລຸການພັດທະນາພ້ອມກັນ.
ກ່ຽວກັບບັນຫາເກືອດຫ້າມຢາເສບຕິດ,ທ່ານເວີນເຈຍປາວເວົ້າວ່າ,ຝ່າຍຈີນຫວັງໃຫ້ພ້ອມກັບຝ່າຍມຽນມາເພີ່ມທະວີການຮ່ວມມືຕ້ານຢາເສບຕິດລະຫວ່າງສອງຝ່າຍແລະຫຼາຍຝ່າຍ,ແລະເຊັນສັນຍາຮ່ວມມືເກືອດຫ້າມຢາເສບຕິດໂດຍໄວ.
ທ່ານໂຊວິນເວົ້າວ່າ,ລັດຖະບານມຽນມາຈະເຮັດຄືແຕ່ເກົ່າເມືອຫຼັງປະຕິບັດນະໂຍບາຍມິດຕະພາບຕໍ່ຈີນ,ແລະຍຶດໝັ້ນຫຼັກການຈີນດຽວ.
|
|
