|
|
 |
| (GMT+08:00)
2006-02-19 18:18:59
|
 |
|
ເຮືອນເກົ່າຂອງເຈົ້າຊີວິດອົງສຸດທ້າຍຂອງຈີນຢູ່ເມືອງທຽນສີນຈະຟື້ນຟູໂສມໜ້າໃນປະຫວັດສາດ
cri
Author: MO
ຕາມຂ່າວສານຊີນຮວາ: ວຽກງານປະຕິສັງຂອນເຮືອນເກົ່າ ຂອງຜູອີ ເຈົ້າຊີວິດອົງສຸດທ້າຍຂອງຈີນຢູ່ເມືອງທຽນສິນໄດ້ລົງມືໃນຫວ່າງມໍ່ໆນີ້. ກິດຈະການນີ້ຈະປະຕິບັດຕາມຫຼັກການປະຕິສັງຂອນຄືເກົ່າ, ກະວ່າຈະຟື້ນຟູໂສມໜ້າປະຫວັດສາດຂອງເຮືອນດັ່ງກ່າວພາຍໃນປີນີ້.
ເຈົ້າຊີວິດຜູອີໄດ້ດຳລົງຊີວິດຢູ່ເມືອງທຽນສິນໃນຊຸມປີ 20-30 ສະຕະວັດທີ່ແລ້ວ. ເຮືອນເກົ່າຂອງເຂົາເຄີຍຖືກແຜ່ນດິນໄຫວ, ຫຼາຍປີບໍ່ໄດ້ແປງແລ້ວ, ສະພາບແວດລ້ອມບໍ່ດີປານໃດ. ຕາມແນະນຳວ່າ, ພາຍຫຼັງປະຕິສັງຂອນແລ້ວ, ຈະສ້າງຫໍວາງສະແດງທີ່ໃສ່ຊື່ວ່າ"ເຈົ້າຊີວິດອົງສຸດທ້າຍຢູ່ທຽນສິນ"ໃນສວນ, ເພື່ອວາງສະແດງຊີວິດການເປັນຢູ່ຂອງຜູອີຢູ່ທຽນສິນ.
ປີ 1908, ຜູອີ ອາຍຸພຽງ 3 ຂວບກໍຖືກຕັ້ງເປັນເຈົ້າຊີວິດ. ເມື່ອສ້າງຕັ້ງສາທາລະນະຈີນໃນປີ 1912 ແລ້ວ, ຜູອີລາອອກຈາກລາດຊະບັນລັງ, ລະບອບລາຊາທິປະໄຕສັກດິນາຂອງຈີນທີ່ຍືດເຍືອມາ 2 ພັນກວ່າປີໄດ້ສິ້ນສຸດລົງ. ໃນຊຸມປີ30-40ສະຕະວັດທີ່ແລ້ວ ຜູອີເຄີຍເປັນເຈົ້າຊີວິດມານຊູລີທີ່ຄ້ຳຊູໂດຍທະຫານຍີ່ປຸ່ນຜູ້ຮຸກຮານຈີນ. ພາຍລຸນມາ, ຜູອີໄດ້ກາຍເປັນພົນລະເມືອງສາມັນຂອງສ.ປ.ຈີນ.
|
|
|
