|
ຕາມຂ່າວສານຊິນຮວາ:ວັນທີ20ກຸມພາ,ກົມໃຫຍ່ກວດກາຄຸນນະພາບກວດກາພະຍາດແຫ່ງຊາດຈີນໄດ້ປະກາດແຈ້ງການດ່ວນ,ຮຽກຮ້ອງໃຫ້ພາກສ່ວນກວດກາຄຸນນະພາບຂອງທ້ອງຖິ່ນຕ່າງໆເພິ່ມທະວີວຽກງານກວດກາຢູ່ດ່ານເຂົ້າອອກເມືອງ,ປ້ອງກັນຢ່າງເຄັ່ງຄັດບໍ່ໃຫ້ໄຂ້ຫວັດສັດປີກແບບຮ້າຍແຮງແຜ່ເຂົ້າປະເທດຈີນ.
ໂດຍແນໃສ່ ໃນຫວ່າງມໍ່ໆນີ້,ໂກເວັດ,ໄຊປັຼດ,ອີຕາລີ,ສະໂລເວນີ,ອາແຊັດບາຢຽນ,ເຢຍລະມັນ,ໂອຕິຼດສ໌,ອີຣານ,ຝຣັ່ງ,ເອຢິບຕ່າງໄດ້ປະກົດເຫັນນົກຍ້າຍແກ່ວປ່າຢູ່ໃນເຂດແດນໄດ້ຕິດເຊື້ອໄຂ້ຫວັດສັດປີກປະເພດຮ້າຍແຮງແບບH5N1 ຂ.,ໃນແຈ້ງການ,ຂອງກົມໃຫຍ່ກວດກາຄຸນນະພາບແຫ່ງຊາດຈີນຊີ້ອອກວ່າ,ຫ້າມບໍ່ໃຫ້ນຳເຂົ້ານົກສຳລັບຊົມເບິ່ງ,ນົກປ່າແລະຜະລິດຕະພັນນົກໂດຍກົງຫຼືໂດຍທາງອ້ອມຈາກປະເທດເຫຼົ່ານີ້.
ແຈ້ງການຍັງຮຽກຮ້ອງໃຫ້ພາກສ່ວນທີ່ກ່ຽວຂ້ອງເພິ່ມທະວີວຽກງານກວດອຸນຫະພູມຮ່າງກາຍ,ໃບແຈ້ງສຸຂະພາບແລະການລາດຕະເວນກວດກາດ້ານແພດສາດເປັນຕົ້ນຕໍ່ຜູ້ເຂົ້າເມືອງທີ່ມາຈາກປະເທດດັ່ງກ່າວ,ສຳລັບຜູ້ທີ່ໜ້າສົງໄສ ຕ້ອງສົ່ງໄປກວດກາປິ່ນປົວຢູ່ໂຮງໝໍຕື່ມອີກ.
|
