ທ່ານເຈຍຊິ້ງລິນກ່າວວ່າ, ຈີນອັງກິດຄວນເພີ່ມທະວີການພົວພັນຄູ່ຂາຍຸດທະສາດຮອບດ້ານ
cri
Author: mo
ຕາມຂ່າວCRI, ວັນທີ 21 ກຸມພາຢູ່ທີ່ປັກກິ່ງ, ທ່ານເຈຍຊິ້ງລິນ ປະທານສະພາປຶກສາການເມືອງປະຊາຊົນແຫ່ງຊາດຈີນໄດ້ພົບປະທ່ານຈອນ ເພຼສຄົດ ຮອງນາຍົກລັດຖະມົນຕີອັງກິດ, ທ່ານເວົ້າວ່າ, ຈີນອັງກິດຄວນເພີ່ມທະວີການພົວພັນຄູ່ຂາຍຸດທະສາດຮອບດ້ານ, ທັງນີ້ບໍ່ພຽງແຕ່ມີຄວາມສຳຄັນທີ່ສຸດຕໍ່ສອງປະເທດເທົ່ານັ້ນ, ຫາກຍັງມີຜົນດີຕໍ່ສັນຕິພາບແລະການພັດທະນາຂອງໂລກອີກດ້ວຍ.
ທ່ານເຈຍຊິ້ງລິນເວົ້າວ່າ, ປີກາຍນີ້, ຈີນອັງກິດໄດ້ເລີ່ມປະຕິບັດກົນໄກສົນທະນາຍຸດທະສາດ, ອັນໄດ້ເພີ່ມພະລັງຊີວິດແລະເນື້ອໃນໃໝ່ໃຫ້ແກ່ການພົວພັນຄູ່ຂາຍຸດທະສາດຮອບດ້ານລະຫວ່າງທັງສອງປະເທດ. ຝ່າຍຈີນຍິນດີພ້ອມກັບຝ່າຍອັງກິດສືບຕຕໍ່ພະຍາຍາມຊຸກຍູ້ການພົວພັນສອງປະເທດຂະຫຍາຍຕົວຍິ່ງຫຼາຍ.
ທ່ານຈອນ ເພຼສຄົດເວົ້າວ່າ, ລັດຖະບານອັງກິດຍິນດີຊຸກຍູ້ການຮ່ວມມືລະຫວ່າງສອງປະເທດຕື່ມອີກໃນຂົງເຂດຕ່າງໆເຊັ່ນເສດຖະກິດການຄ້າ ວິທະຍາສາດເຕັກນິກ ວັດທະນະທຳແລະການສຶກສາເປັນຕົ້ນ. ໃນຖານເປັນປະເທດມົນຕີຖາວອນຂອງສະພາຄວາມໝັ້ນຄົງສະຫະປະຊາຊາດ, ອັງກິດຍິນດີພ້ອມກັນກັບຝ່າຍຈີນປະກອບສ່ວນເຂົ້າໃນສັນຕິພາບຂອງໂລກ.
|
|