|
|
 |
| (GMT+08:00)
2006-03-01 18:48:41
|
 |
|
ຈີນປະກາດໜັງສືປົກຂຽວກ່ຽວກັບຍິງຊາຍສະເໝີພາບແລະການພັດທະນາຂອງແມ່ຍິງສະບັນທຳອິດ
cri
Author: MO
ຕາມຂ່າວCRI: ວັນທີ 1 ມີນາ, ຈີນປະກາດໜັງສືປົກຂຽວກ່ຽວກັບຍິງຊາຍສະເໝີພາບແລະການພັດທະນາຂອງແມ່ຍິງສະບັບທຳອິດ.
ໜັງສືປົກຂຽວໄດ້ສະຫຼຸບສະພາບຄວາມຄືບໜ້າຂອງພາລະກິດຍິງຊາຍສະເໝີພາບກັບການພັດທະນາຂອງແມ່ຍິງຈີນໃນ 10 ປີທີ່ຜ່ານມາ, ຊີ້ອອກວ່າ, ປັດຈຸບັນ, ກົນໄກແຫ່ງລັດຈີນໃນປະຈຸບັນທີ່ຊຸກຍູ້ໃຫ້ຍິງຊາຍພັດທະນາຢ່າງສະເໝີພາບໄດ້ບູລະນະໃຫ້ສົມບູນຂຶ້ນເລື້ອຍໆ, ໃນເວລາວາງແລະປະຕິບັດນະໂຍບາຍ, ລັດນັບມື້ນັບເອົາໃຈໃສ່ນຳຍິງຊາຍສະເໝີພາບກັນ.
ແຕ່ໜັງສືປົກຂຽວກໍຊີ້ອອກວ່າ, ຍິງຊາຍສະເໝີພາບແລະການພັດທະນາຂອງແມ່ຍິງຈີນຍັງຖືກປັດໃຈຈຳນວນໜຶ່ງຈຳກັດ, ຕົວຢ່າງຄື ບາງທ້ອງຖິ່ນມີບັນຍາກາດວັດທະນະທຳສັງຄົມທີ່ຍິງຊາຍບໍ່ສະເໝີພາບກັນ. ທ່ານນາງກູ້ຊິ້ວລຽນ ປະທານສະຫະພັນແມ່ຍິງຈີນກ່າວວ່າ, ຈີນຈະຈັດເອົາຍິງຊາຍສະເໝີພາບແລະການພັດທະນາຂອງແມ່ຍິງເຂົ້າໃນແຜນແມ່ບົດແຫ່ງການພັດທະນາເສດຖະກິດແລະສັງຄົມຂອງລັດ ຂອງເຂດແຄວ້ນແລະຂະແໜງການນັ້ນຕື່ມອີກ.
|
|
|
