ຕາມ​ຂ່າວCRI: ຫວ່າງ​ມໍ່ໆ​ນີ້, ວຽກ​ງານ​ກະກຽມຕ່າງໆ​ຂອງກອງ​ປະຊຸມ​ປະຈຳປີ​ຂອງ​ສະພາ​ປຶກສາ​ການ​ເມືອງ​ປະຊາຊົນ​ແຫ່ງ​ຊາດ​ຈີນ​ທີ່​ຈະ​ຈັດ​ຂຶ້ນ​ໃນ​ວັນ​ທີ 3 ມີນາໄດ້​ເສັບ​ສັບຮຽບຮ້ອຍ​ແລ້ວ.



ວັນ​ທີ 2 ມີນາ​ຢູ່​ທີ່​ປັກ​ກິ່ງ, ທ່ານ​ອູ​ຈ້ຽນມິນ ​ໂຄສົກ​ຖະ​ແຫຼງຂ່າວ​ຂອງ​ກອງ​ປະຊຸມ​ຄັ້ງນີ້​ໄດ້​ປະກາດ​ຂ່າວ​ດັ່ງກ່າວ. ທ່ານ​ແນະນຳ​ວ່າ, ​ໃນ​ໄລຍະ​​ປະຊຸມ, ກຳມະການ​ສະພາ​ປຶກສາ​ການ​ເມືອງ​ທົ່ວ​ປະ​ເທດ 2 ພັນ​ກວ່າ​ທ່ານ​ທີ່​ເຂົ້າຮ່ວມ​ກອງ​ປະຊຸມ​ຈະປະກອບ​ຄຳ​ຄິດ​ຄຳ​ເຫັນ​ໂດຍ​ໝູນ​ອ້ອມ​ບັນຫາ​ສຳຄັນ​ໃນ​ໂຄງຮ່າງ​ແຜນພັດທະນາ​, ​ແລະການ​ພັດທະນາ​ເສດຖະກິດ​ສັງຄົມ ຂອງ​ຈີນ​ໃນ 5 ປີ​ຂ້າງ​ໜ້າ​ເປັນ​ຈຸດ​ໜັກ; ນອກ​ນີ້, ພວກ​ເຂົາ​ເຈົ້າຍັງ​ຈະ​ເຂົ້ານັ່ງ​ຟັງ​ກອງ​ປະຊຸມ​ປະຈຳ​ປີ​ຂອງ​ສະພາ​ປະຊາຊົນ​ແຫ່ງ​ຊາດ​ຈີນທີ່​ຈະ​ຈັດ​ຂຶ້ນ​ໃນ​ໄລຍະ​ດຽວ​ກັນ, ຮັບ​ຟັງ​ແລະ​ຫາ​ລື​ບົດ​ລາຍ​ງານ​ວຽກ​ງານລັດຖະບານ​ຂອງ​ທ່ານ​ເວີ່ນ​ເຈຍ​ປາວ ນາຍົກລັດຖະມົນຕີຈີນ.



ກອງ​ປະຊຸມ​ຄັ້ງນີ້ຈະ​ດຳ​ເນີນ​ເປັນ​ເວລາ 10 ມື້, ຈະປິດ​ປະຊຸມ​ໃນ​ວັນ​ທີ 13 ມີນາ.