|
|
 |
| (GMT+08:00)
2006-03-05 16:09:15
|
 |
|
ກອງປະຊຸມປະຈຳປີຂອງສະພາປະຊາຊົນແຫ່ງຊາດຈີນໄຂຂຶ້ນ ຈະຕົກລົງແຜນກຳນົດພັດທະນາແຫ່ງລັດໃນ 5 ປີຕໍ່ໜ້າ
cri
Author: da
|
ຕາມຂ່າວCRI: ກອງປະຊຸມສະພາປະຊາຊົນແຫ່ງຊາດຈີນຄັ້ງທີ 4 ສະໄໝທີ 10 ໄດ້ໄຂຂຶ້ນຢູ່ປັກກິ່ງໃນຕອນເຊົ້າວັນທີ 5 ມີນາ,ກອງປະຊຸມຈະຕົກລົງຈຸດໝາຍ ນະໂຍບາຍແລະມາດຕະການທີ່ສຳຄັນຂອງການພັດທະນາເສດຖະກິດແລະສົງຄົມຂອງຈີນໃນ 5 ປີຕໍ່ໜ້າ.
ທ່ານອູປາງໂກ ປະທານຄະນະປະຈຳສະພາປະຊາຊົນແຫ່ງຊາດຈີນເປັນປະທານກອງປະຊຸມ,ທ່ານເວີນເຈ່ຍປາວ ນາຍົກລັດຖະມົນຕີຈີນໄດ້ລາຍງານວຽກງານລັດຖະບານຕໍ່ຜູ້ແທນສະພາ 2900 ກວ່າທ່ານ,ເນື້ອໃນກວມເຖິງການສະຫຼຸບວຽກງານປີກາຍແລະຈັດວາງວຽກງານປີນີ້ ອະທິບາຍຫຼັກໃຫຍ່ໃຈຄວາມຂອງແຜນກຳນົດພັດທະນາເສດຖະກິດແຫ່ງຊາດແລະສັງຄົມໃນ 5 ປີຕໍ່ໜ້າ.ຜູ້ນຳພັກລັດຈີນຄືທ່ານຫູຈິນທາວ ທ່ານເຈຍຊິ້ງລິນ ທ່ານເຈິ່ນຊິ້ງຫົງ ທ່ານອູກວ່ນເຈີ້ງ ທ່ານຫຼີຊາງຊຸ່ນ ທ່ານໂລກັ້ນເປັນຕົ້ນໄດ້ເຂົ້າຮ່ວມພິທີໄຂກອງປະຊຸມ.
ໃນບົດລາຍງານ ທ່ານເວີ່ນເຈ່ຍປາວຊີ້ອອກວ່າ,ຈຸດໝາຍເສດຖະກິດຈີນປີນີ້ຈະເຕີບໂຕຢູ່ລະຫວ່າງ 8%,ສ່ວນຈຸດໝາຍການເຕີບໂຕທາງເສດຖະກິດຂອງຈີນໃນ 5 ປີຂ້າງໜກຳນົດເປັນ 7,5%ຕໍ່ປີ. ການສ້າງສາຊົນນະບົດສັງຄົມນິຍົມແບບໃໝ່ແລະແກ້ໄຂບັນຫາຜົນປະໂຫຍດຕິດຕົວຂອງມວນຊົນໄດ້ກວມເນື້ອໃນສ່ວນຫຼາຍໃນບົດລາຍງານ.ທ່ານເວີ່ນເຈ່ຍປາວໃຫ້ຄຳໝັ້ນສັນຍາວ່າ,ລັດຖະບານຈີນຈະຫັນຈຸດໜັກລົງທຶນສ້າງສາພື້ນຖານໂຄງລ່າງໄປສູ່ຊົນນະບົດ,ແລະຍົກເລີກຄ່າສຶກສາຂອງເດັກຊົນນະບົດໃຫ້ໝົດ.ທ່ານຍັງໄດ້ສະເໜີມາດຕະການລະອຽດກ່ຽວກັບບັນຫາທີ່ມະຫາຊົນສົນໃຈເຊັ່ນ"ຄ່າປົວພະຍາດແພງ"ແລະ"ລາຄາເຮືອນແພງ"ເປັນຕົ້ນ.
ກ່ຽວກັບບັນຫາໄຕ້ຫວັນ,ທ່ານເວີ່ນເຈ່ຍປາວກ່າວເນັ້ນວ່າ,ການພົວພັນລະຫວ່າງສອງຝັ່ງຂະຫຍາຍໄປສູ່ສັນຕິພາບ ສະຖຽນລະພາບ ຕ່າງຝ່າຍຕ່າງມີຜົນປະໂຫຍດແລະທັງສອງຝ່າຍໄດ້ຜົນປະໂຫຍດພ້ອມກັນແມ່ນຖືກໃຈຄົນ,ຜູ້ໃດເຈດຕະນາທຳລາຍທ່ວງທ່າໃຫຍ່ດັ່ງກ່າວນີ້,ຕ້ອງປະລາໄຊຢ່າງແນ່ນອນ.ການສຳເລັດພາລະກິດໂຮມຊາດເຂົ້າເປັນເອກະພາບໃນທີ່ສຸດນັ້ນແມ່ນຄວາມມຸ່ງມາດປາຖະໜາຮ່ວມຂອງປະຊາຊົນຈີນທົ່ວຖ້ວນໜ້າ,ຜູ້ໃດກໍຂີດຂວາງບໍ່ໄດ້.
ໃນຂົງເຂດການຕ່າງປະເທດ,ທ່ານເວີ່ນເຈ່ຍປາວໄດ້ກ່າວລື້ມນະໂຍບາຍການຕ່າງປະເທດສັນຕິພາບທີ່ເປັນເອກະລາດແລະເປັນເຈົ້າຕົນເອງ ຊຶ່ງລັດຖະບານຈີນປະຕິບັດມາໂດຍຕະຫຼອດ.
|
|
|
