|
ລະບຽງຍາວຂອງວັງລະດູຮ້ອນຂອງຈີນປ່ຽນດິນຂໍເປັນຄັ້ງທຳອິດໃນ 50 ປີມານີ້
cri
Author: da
ຕາມຂ່າວໜັງສືພິມຊິ່ນຈີ່ງປ້າວ:ໂຄງການສ້ອມແປງຫຼັງຄາລະບຽງຍາວວັງ ລະດູຮ້ອນຂອງຈີນເລີ່ມດຳເນີນໃນວັນທີ 5 ມີນາ,ບັນຫາຫຼັງຄາຮົ່ວເສື່ອມກັດຮູບແຕ້ມສີຂອງລະບຽງຍາວ,ຈະໄດ້ຮັບການແກ້ໄຂຢ່າງເໝາະສົມ.
ວັງລະດູຮ້ອນແມ່ນສວນອຸທິຍານຫຼວງທີ່ມີຊື່ສຽງຂອງຈີນ,ລະບຽງຍາວເລີ່ມສ້າງຂຶ້ນເມື່ອປີ 1750,ຖືກກອງທັບພັນທະມິດອັງກິດຝຣັ່ງຈູດໄຟເຜົາເມື່ອປີ 1860,ປີ 1886 ໄດ້ສ້າງໃໝ່,ຍາວທັງໝົດ 719,5 ແມັດ,ລວມ 273 ຫ້ອງ,ແມ່ນລະບຽງທີ່ຍາວກວ່າໝູ່ໃນສວນອຸທິຍານກະລາຊິກຂອງຈີນ.
ການສ້ອມແປງຫຼັງຄາເທື່ອນີ້ແມ່ນການສ້ອມແປງຢ່າງຂະໜາດໃຫຍ່ເທື່ອທຳອິດໃນ 50 ປີມານີ້,ດິນຂໍເກົ່າເທິງຫຼັງຄາຈະຮັກສາໄວ້ພຽງແຕ່ 20%ເທົ່ານັ້ນ,ສ່ວນເຫຼືອນັ້ນຈະຖືກດິນຂໍໃໝ່ທີ່ຜະລິດດ້ວຍກຳມະວິທີດັ້ງເດີມນັ້ນເຂົ້າແທນ.ຜູ້ຮັບຜິດຊອບສວນອຸທິຍານນີ້ກ່າວວ່າ,ໂຄງການປ່ຽນດິນຂໍບໍ່ຫ່ອນຈະກະທົບກະເທືອນເຖິງການທ່ຽວສວນ.
|
|
