|
ຕາມຂ່າວcri:ວັນທີ7ມີນາ,ໃນງານຊຸມນຸມນັກຂ່າວທີ່ຈັດຂຶ້ນຢູ່ປັກກິ່ງ,ທ່ານຫຼີຈ້າວຊີ່ງ ລັດຖະມົນຕີການຕ່າງປະເທດຈີນກ່າວວ່າ,ການແກ້ໄຂບັນຫານີວເຄຼຍອີຣານໃນຂອບອົງການພະລັງງານປະລະມານູສາກົນຍັງມີຊ່ອງຫວ່າງຢູ່,ປະຊາຄົມໂລກບໍ່ຄວນປະລະພະຍາຍາມ.ຝ່າຍຈີນຫວັງໃຫ້ບັນດາຝ່າຍທີ່ກ່ຽວຂ້ອງຈົ່ງສືບຕໍ່ສຸມກຳລັງແກ້ໄຂບັນຫານີວເຄຼຍອີຣານໂດຍຜ່ານຊ່ອງທາງການຕ່າງປະເທດ.
ທ່ານຫຼີຈ້າວຊີ່ງເວົ້າວ່າ,ຝ່າຍຈີນສະໜັບສະໜູນໃຫ້ຮັກສາລະບົບບໍ່ແຜ່ຜາຍນິວເຄຼຍ,ຄັດຄ້ານການແຜ່ຜາຍອາວຸດນີວເຄຼຍ.ໃນຖານເປັນປະເທດເຊັນ"ສັນຍາບໍ່ແຜ່ຜາຍອາວຸດນີວເຄຼຍ",ອີຣານມີສິດນຳໃຊ້ພະລັງງານນີວເຄຼຍໂດຍສັນຕິ,ແລະກໍ່ຕ້ອງປະຕິບັດຕາມພັນທະທີ່ກ່ຽວຂ້ອງ.ຝ່າຍຈີນຫວັງໃຫ້ອີຣານຈົ່ງຮ່ວມມືກັບອົງການພະລັງງານປະລະມານູສາກົນຢ່າງເຕັມທີ່,ໃຊ້ມາດຕະການທີ່ມີຜົນດີຕໍ່ການເພິ່ມຄວາມໄວ້ເນື້ອເຊື່ອໃຈກັນນັ້ນໃຫ້ຫຼາຍ.
|
