|
ປີກາຍນີ້, ຈີນປະກາດປ່ອຍຈຳເລີຍອາຍາ 2 ພັນກວ່າຄົນໃນຖານບໍ່ມີໂທດ
cri
Author: MO
|
ຕາມຂ່າວCRI: ວັນທີ 11 ມີນາ, ທ່ານຊິວຢາງ ປະທານສານປະຊາຊົນສູງສຸດຂອງຈີນກ່າວວ່າ, ປີກາຍນີ້, ສານທຸກຂັ້ນຂອງຈີນໄດ້ຍຶດໝັ້ນ ຜູ້ມີໂທດຕ້ອງຕັດສິນ, ບໍ່ມີໂທດກໍຕ້ອງປ່ອຍຄົນ, ໄດ້ປະກາດຈຳເລີຍອາຍາ 2 ພັນກວ່າຄົນບໍ່ມີໂທດຕາມກົດໝາຍ.
ວັນທີ 11 ມີນາ, ກອງປະຊຸມປະຈຳປີຂອງສະພາປະຊາຊົນແຫ່ງຊາດຈີນທີ່ພວມໄຂຂຶ້ນຢູ່ປັກກິ່ງໄດ້ຮັບຟັງບົດລາຍງານວຽກງານສານປະຊາຊົນສູງສຸດຂອງທ່ານຊີວຢາງ. ໃນບົດລາຍງານ, ທ່ານຊິວຢາງກ່າວວ່າ, ປີນີ້, ສານຂອງຈີນຈະເພີ່ມທະວີການປົກປ້ອງສິດທິມະນຸດໃນຂົງເຂດຕຸລາການດ້ານອາຍາຕື່ມອີກ, ວາງແລະບູລະນະກົດລະບຽບກ່ຽວກັບຫຼັກຖານອາຍາ, ປ້ອງກັນບໍ່ໃຫ້ມີຄະດີຕູ່ຫາແລະຄະດີຜິດເກີດຂຶ້ນ.
ມື້ດຽວກັນ, ກອງປະຊຸມສະພາປະຊາຊົນແຫ່ງຊາດຈີນຍັງໄດ້ຮັບຟັງບົດລາຍງານວຽກງານຂອງທ່ານເຈຍຊຸນວ້າງ ອະທິໄອຍະການຂອງອົງການໄອຍະການປະຊາຊົນສູງສຸດຂອງຈີນ. ທ່ານກ່າວວ່າ, ປີນີ້, ອົງການໄອຍະການຈີນຈະດຳເນີນການຕິດຕາມກວດກາການດຳເນີນຄະດີອາຍາ, ຕັດສິນຄະດີແພ່ງ, ແລະການດຳເນີນຄະດີການບໍລິຫານຢ່າງຮອບດ້ານ, ດັດແກ້ການຕັດສິນທີ່ຜິດພາດຕາມກົດໝາຍ, ສຳຫຼວດພະນັກງານຕຸລາການຕ້ອງໂທດໃນໜ້າທີ່ຕຳແໜ່ງເປັນຕົ້ນ.
|
|
