|
ທ່ານຫູຈີນທ່າວກ່າວວ່າ, ຕ້ອງພະຍາຍາມຍົກສູງຄວາມສາມາດຂອງກອງທັບຈີນໃນການຮັບມືກັບວິກິດການ ຮັກສາສັນຕິພາບ ສະກັດກັ້ນສົງຄາມແລະເອົາຊະນະໃນສົງຄາມ
cri
Author: MO
ຕາມຂ່າວສານຊີນຮວາ: ວັນທີ 11 ມີນາຢູ່ທີ່ປັກກິ່ງ, ທ່ານຫູຈີນທ່າວ ປະທານປະເທດຈີນ ປະທານຄະນະກຳມະການການທະຫານສູນກາງຈີນກ່າວວ່າ, ຕ້ອງພະຍາຍາມຍົກສູງຄວາມສາມາດຂອງກອງທັບຈີນໃນການຮັບມືກັບວິກິດການ ຮັກສາສັນຕິພາບ ສະກັດກັ້ນສົງຄາມແລະເອົາຊະນະໃນສົງຄາມ.
ທ່ານຫູຈີນທາວແມ່ນໃຫ້ທັດສະນະດັ່ງກ່າວໃນເວລາເຂົ້າຮ່ວມການຫາລືກັນທີ່ແບ່ງອອກເປັນຈຸໃນກອງປະຊຸມປະຈຳປີຂອງສະພາປະຊາຊົນແຫ່ງຊາດຈີນ. ທ່ານເວົ້າວ່າ, ຕ້ອງເພີ່ມທະວີການສ້າງສາກອງທັບ, ກອງທັບຕ້ອງຖືການປົກປັກຮັກສາອະທິປະໄຕແລະຄວາມປອດໄພຂອງຊາດໄວ້ຢູ່ໃນຖານະອັນດັບໜຶ່ງ, ຕ້ອງຮັບປະກັນໃຫ້ຄວາມປອດໄພແກ່ການພັດທະນາຂອງຊາດ.
ພ້ອມກັນນັ້ນ, ທ່ານຫູຈີນທ່າວກ່າວວ່າ, ຕ້ອງຈັດວາງການສ້າງສາກອງທັບຢ່າງເປັນເອກະພາບກັນຕາມຫຼັກວິທະຍາສາດ, ພະຍາຍາມຂະຫຍາຍຄວາມສາມາດໃນການຮັບມືກັບການຂົ່ມຂູ່ຫຼາຍຢ່າງທີ່ມີຄວາມປອດໄພ, ສຳເລັດໜ້າທີ່ການທະຫານຫຼາຍຮູບຫຼາຍແບບ, ຍົກລະດັບການຄຸ້ມຄອງທັນສະໄໝຂອງກອງທັບໃຫ້ສູງຂຶ້ນຢ່າງບໍ່ຢຸດຢັ້ງ.
|
|
