|
ໃນເວລາກ່າວເຖິງບັນຫາການສຶກສາຊົນນະບົດ, ທ່ານນາງຊຸນເຮີ້ຈ່ວນ ຜູ່ແທນສະພາປະຊາຊົນແຫ່ງຊາດຊຸດທີ 10 ຜູ່ອຳນວຍການໂຮງຮຽນມັດທະຍົມສັງກັດມະຫາວິທະຍາໄລສ້າງຄູຕົ່ງໄປກ່າວວ່າ, ການສຶກສາຊົນນະບົດແມ່ນວຽກທີ່ເປັນຕາເຮັດເປັນຕາທຳ, ຫວັງໃຫ້ຈັດເອົາການບຳລຸງສ້າງຜູ່ມີຄວາມຮູ້ຄວາມສາມາດເຂົ້າໃນລະບົບແຜນກຳນົດສັງລວມທີ່ສ້າງສາຊົນນະບົດໃໝ່, ຈັດການລົງທຶນໃນການສຶກສາຊົນນະບົດໃໝ່ເຂົ້າໃນລະບົບປະກັນການເງິນແຫ່ງຊາດ.
ທ່ານນາງຢາງຊາງຢຸນ ຜູ່ແທນສະພາປະຊາຊົນແຫ່ງຊາດຊຸດທີ 10 ຫົວໜ້າຫ້ອງການສຳຫຼວດກວດກາວຽກງານຮ້ອງທຸກທີ່ສັງກັດຄະນະປະຈຳສະພາປະຊາຊົນເມືອງຊ່ານຕູ່ແຂວງກຸ້ຍໂຈ່ວໄດ້ສະເໜີໃຫ້ສ້າງແທ່ນແລກປ່ຽນໃຫ້ແກ່ພະນັນກງານທີ່ເຮັດວຽກຮ້ອງທຸກ.
ໃນການສົນທະນາໃນຈຸ, ທ່ານໂຈຢຽນອານ ຜູ່ແທນສະພາປະຊາຊົນແຫ່ງຊາດຊຸດທີ 10 ເລຂາຄະນະພັກກຸ່ມບໍລິສັດລົດຍົນຈ່ຽງຫວຍແຂວງອານຮຸຍຈຳກັດກ່າວວ່າ, ຕ້ອງເພີ່ມທະວີແລະບູລະນະການສ້າງສາລະບົບກົດໝາຍຕື່ມອີກ, ໂດຍສະເພາະແມ່ນຕ້ອງເພີ່ມທະວີການປົກປັກຮັກສາແລະນິຕິບັນຍັດດ້ານສິດຊັບສິນທາງປັນຍາຂອງປະເທດເຮົາ.
1 2
|
