|
|
 |
| (GMT+08:00)
2006-03-16 20:32:20
|
 |
|
ນະໂຍບາຍປ້ອງກັນປະເທດຂອງຈີນແມ່ນໂປ່ງໃສໝົດ
cri
Author: DA
ຕາມຂ່າວCRI:ວັນທີ 16 ມີນາ ທ່ານຊິນກ່າງ ໂຄສົກກະຊວງການຕ່າງປະເທດຈີນເວົ້າວ່າ, ນະໂຍບາຍປ້ອງກັນປະເທດຂອງຈີນແມ່ນໂປ່ງໃສໝົດ,ແມ່ນມີລັກສະນະປ້ອງກັນຢູ່ໃນທ່າຮັບ,ຫວັງໃຫ້ປະເທດອື່ນສາມາດປະຕິບັດຕໍ່ບັນຫານີ້ຢ່າງພາວະວິໄສ.
ໃນງານໃຫ້ສຳພາດຂ່າວທີ່ຈັດຂຶ້ນຢູ່ປັກກິ່ງ ທ່ານຊິນກ່າງເວົ້າວ່າ,ຈີນປະຕິບັດນະໂຍບາຍປ້ອງກັນປະເທດຢູ່ໃນທ່າຮັບໂດຍຕະຫຼອດ,ໃຊ້ມາດຕະການໂປ່ງໃສຄ່າໃຊ້ຈ່າຍທາງການທະຫານທີ່ພໍດ້າມພໍດີແລະປະຕິບັດໄດ້.ຈີນປະກາດໜັງສືປົກຂາວປ້ອງກັນປະເທດຕາມເວລາກຳນົດ,ຍັງໄດ້ປະກາດໜັງສືປົກຂາວຂອງຈີນກ່ຽວກັບການຄວບຄຸມກຳລັງລົບ ຫຼຸດກຳລັງລົບແລະປ້ອງກັນບໍ່ເຜີຍແຜ່ນິວເຄຼຍ,ແນະນຳສະພາບການດ້ານຄ່າໃຊ້ຈ່າຍທາງການທະຫານແລະການສ້າງສາທາງການທະຫານຢ່າງລະອຽດ.ກອງທັບຈີນພວມເພີ່ມທະວີການແລກປ່ຽນແລະການຮ່ວມມືກັບຕ່າງປະເທດຢ່າງບໍ່ຂາດສາຍ.
ທ່ານຊິນກ່າງເວົ້າວ່າ,ໃນດ້ານຄວາມໝັ້ນຄົງ ຈີນສົ່ງເສີມທັດສະນະຄວາມໝັ້ນຄົງໃໝ່ທີ່ໄວ້ເນື້ອເຊື່ອໃຈເຊິ່ງກັນແລະກັນ ຕ່າງຝ່າຍຕ່າງມີຜົນປະໂຫຍດ ສະເໝີພາບແລະປະສານສົມທົບກັນ,ຫວັງບັນດາປະເທດໃນໂລກເພີ່ມທະວີຄວາມໄວ້ເນື້ອເຊື່ອໃຈເຊິ່ງກັນແລະກັນ ແລະການຮ່ວມມືກັນ,ຫາລືກັນຢ່າງສະເໝີພາບ,ພ້ອມກັນປົກປັກຮັກສາຄວາມໝັ້ນຄົງແລະສະຖຽນລະພາບຂອງພາກພື້ນ.
|
|
|
