|
ປີກາຍນີ້, ມູນຄ່າການຄ້າຊາຍແດນລະຫວ່າງຈີນຣັດເຊຍມີເກືອບ 5 ຕື້ 600 ລ້ານໂດລາ
cri
Author: mo
ຕາມຂ່າວCRI：ປີກາຍນີ້, ມູນຄ່າການຄ້າຊາຍແດນລະຫວ່າງຈີນຣັດເຊຍມີເກືອບ 5 ຕື້ 600 ລ້ານໂດລາ, ກວມ 40% ຂຶ້ນໄປຂອງຍອດມູນຄ່າການຄ້າຊາຍແດນຂອງຈີນໃນໄລຍະດຽວກັນ.
ວັນທີ 17 ມີນາ, ຢູ່ທີ່ປັກກິ່ງ, ທ່ານອີກວາງໂຈວ ລັດຖະມົນຕີຊ່ອຍວ່າການກະຊວງການຄ້າຈີນໄດ້ປະກາດຕົວເລກດັ່ງກ່າວ. ໃນເວລາເຂົ້າຮ່ວມງານຖະແຫຼງຂ່າວຂອງງານຕະຫຼາດນັດການຄ້າສາກົນຮາບິນຈີນຄັ້ງທີ 17, ທ່ານເວົ້າວ່າ, ການຮ່ວມມືເສດຖະກິດການຄ້າໃນຊາຍແດນແລະລະຫວ່າງທ້ອງຖິ່ນໄດ້ຄອງຖານະພົ້ນເດັ່ນໃນການຄ້າລະຫວ່າງຈີນກັບຣັດເຊຍ, ໃນນັ້ນ, ແຂວງເຮີລົງຈ່ຽງທີ່ມີຊາຍແດນຕິດກັບຣັດເຊຍແມ່ນແຂວງທີ່ຮ່ວມມືເສດຖະກິດການຄ້າກັບຣັດເຊຍຫຼາຍກວ່າໝູ່ຂອງຈີນ, ກວມເກືອບ 20% ຂອງການຄ້າຈີນຕໍ່ຣັດເຊຍ. ສ່ວນງານຕະຫຼາດນັດຮາບິນທີ່ຈັດຂຶ້ນປີລະເທື່ອໄດ້ເສີມຂະຫຍາຍບົດບາດນັບມື້ນັບສຳຄັນໃນການຮ່ວມມືເສດຖະກິດການຄ້າລະຫວ່າງຈີນກັບປະເທດອາຊີຕາເວັນອອກສຽງເໜືອເຊັ່ນຣັດເຊຍເປັນຕົ້ນ.
|
|
