|
|
 |
| (GMT+08:00)
2006-03-17 17:40:07
|
 |
|
ປະເທດສະມາຊິກແຜນການຮ່ວມມືເສດຖະກິດພາກພື້ນອາຊີກາງຈະດຳເນີນການຮ່ວມມືໃນຂົງເຂດການຂົນສົ່ງກ່ອນ
cri
Author: da
ຕາມຂ່າວສານຊິນຮວາ:8ປະເທດສະມາຊິກແຜນການຮ່ວມມືເສດຖະກິດພາກພື້ນອາຊີກາງແລະອົງການການເງິນສາກົນໄດ້ກ້າວເຖິງຂັ້ນມີຄວາມຮັບຮູ້ຄືກັນກ່ຽວກັບບັນຫາການລະດົມທຶນໃນດ້ານການກໍ່ສ້າງຄົມມະນາຄົມໃນພາກພື້ນອາຊີກາງ,ແລະໃຫ້ຄຳສັນຍາວ່າຈະດຳເນີນການຮ່ວມມືໃນຂົງເຂດການຂົນສົ່ງກ່ອນ.
ໃນກອງປະຊຸມທີ່ຈັດຂຶ້ນຢູ່ອູ່ຫຼູມູ້ຊີ ເທດສະບານເຂດຊິ່ນຈ່ຽງຈີນແຕ່ວັນທີ 15 ເຖິງວັນທີ 16 ມີນາ,8 ປະເທດສະມາຊິກແຜນການຮ່ວມມືເສດຖະກິດພາກພື້ນອາຊີກາງຄືຈີນແລະອັຟການີສະຖານເປັນຕົ້ນພ້ອມກັບອົງການການເງິນສາກົນເຊັ່ນ:ທະນາຄານພັດທະນາອາຊີແລະທະນາຄານໂລກເປັນຕົ້ນໄດ້ຫາລືກັນຕົກລົງວ່າ,ໃນປີນີ້,ອົງການການເງິນສາກົນຈະລົງທຶນເກືອບ 1 ຕື້ 700 ລ້ານໂດລາສະຫະລັດເຂົ້າໃນການກໍ່ສ້າງພື້ນຖານໂຄງລ່າງໃນພາກພື້ນອາຊີກາງ.
ແຜນການຮ່ວມມືເສດຖະກິດພາກພື້ນອາຊີກາງ(CAREC)ຖືກສ້າງຕັ້ງຂຶ້ນເມື່ອປີ 1997,ວຽກງານກວມເຖິງການຂົນສົ່ງ ການຄ້າແລະພະລັງງານ.
|
|
|
