|
ຕົວເລກດັດຊະນີຄວາມໝັ້ນໃຈຂອງນັກທະນາຄານຈີນສ້າງສະຖິຕິໃໝ່
cri
Author: mo
ຕາມຂ່າວຈາກໜັງສືພິມເຢິນມີນຢື້ປ້າວສະບັບພົ້ນທະເລ: ວັນທີ 17 ມີນາ,ທະນາຄານປະຊາຊົນຈີນ ເຊິ່ງເປັນທະນາຄານກາງຂອງຈີນໄດ້ປະກາດຜົນການສຳຫຼວດດ້ວຍໃບສອບຖາມຕໍ່ນັກທະນາຄານທົ່ວປະເທດຈີນ, ສະແດງໃຫ້ເຫັນວ່າ, ຂະແໜງການທະນາຄານຂອງຈີນໄດ້ທຸລະກິດຢ່າງປອດໃສແລະໝັ້ນທ່ຽງໃນດ້ານກວມລວມ, ນັກທະນາຄານໄດ້ມີຄວາມໝັ້ນໃຈສູງຂຶ້ນຢ່າງຕໍ່ເນື່ອງກັນ, ແລະຄາດຄະເນເປັນຢ່າງດີຕໍ່ອະນາຄົດ.
ການສຳຫຼວດສະແດງໃຫ້ເຫັນວ່າ, ໃນໄຕມາດນີ້, ຕົວເລກດັດຊະນີຄວາມໝັ້ນໃຈຂອງນັກທະນາຄານໄດ້ສ້າງສະຖິຕິສູງໃໝ່ໃນປະຫວັດສາດໄດ້ບັນລຸ 82,4%. ທະນາຄານກາງເຫັນວ່າ, ໃນຕົ້ນປີນີ້, ນັກທະນາຄານໄດ້ວິນິໄສເປັນຢ່າງດີຕໍ່ສະຖານະການເສດຖະກິດ ທັງເປັນການໄດ້ຢືນຢັນການໝູນເດີນຂອງເສດຖະກິດມະຫາພາກໃນໜຶ່ງປີທີ່ຜ່ານມາ, ແລະກໍໄດ້ສະແດງໃຫ້ເຫັນຄວາມໝັ້ນໃຈຕໍ່ເສດຖະກິດແຫ່ງຊາດທີ່ຈະໝູນເດີນຢ່າງປອດໄສແລະໝັ້ນທ່ຽງໃນໄລຍະຂ້າງໜ້າ.
ການສຳຫຼວດຍັງສະແດງໃຫ້ເຫັນວ່າ, ໃນໄຕມາດທີໜຶ່ງ, ຕົວເລກດັດຊະນີຄວາມຈະເລີນຂອງຂະແໜງການທະນາຄານຈີນແມ່ນ 67%, ສະແດງໃຫ້ເຫັນວ່າ, ຂະແໜງການທະນາຄານຂອງຈີນໄດ້ທຸລະກິດເປັນຢ່າງດີ.
|
|
